06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
ԱԱԾ-ն շահագրգռված է եղել, որ ինձ մեղադրանք ներկայացվի, մեղադրվեմ՝ կոռուպցիայի մեջ․ Դավիթ Սանասարյան. ՏԵՍԱՆՅՈՒԹ
Հասարակություն
06.10.2021 | 15:58
Ավարտվեց ՊՎԾ նախկին պետ Դավիթ Սանասարյանի գործով առողջապահության նախկին նախարար Արսեն Թորոսյանի` վկայի կարգավիճակով հարցաքննությունը։
«Ճիշտն ասած` ես ակնկալում էի, որ գործի սկզբից հենց էսպես կներկայացվի»,- լրագրողների հետ զրույցում անդրադառնալով Արսեն Թորոսյանի ցուցմունքին` ասաց Դավիթ Սանասարյանը։
«Դուք ականատես եղաք, նրան, երբ սրանից առաջ ինձ մեղադրում էին, թե ես տեղյակ եմ եղել, որ ՊՎԾ աշխատակիցներին է պատկանել, և ընդունել եմ դա, այսօր որեւէ ձեւով նման բան չնշվեց Արսեն Թորոսյանի կողմից: Գոնե շնորհակալություն, որ դատաքննության ժամանակ նրասածը մոտ էր իրականությանը»,- ասաց Սանասարյանը` ընդգծելով, որ գործով այլ վկաներ էլ են եղել, ովքեր փոխել են իրենց նախաքննական ցուցմունքները։
«Սա և նախորդ վկաների ցուցմունքները բերում են ինձ այն համոզման, որ ԱԱԾ-ն շահագրգռված է եղել, որ իմ վերաբերյալ մեղադրական եզրակացություն ունենա և ինձ մեղադրեն կոռուպցիայի մեջ»,- նկատեց ՊՎԾ նախկին պետը։
Սանասարյանը հավելեց, որ իրականում գործը «եփել են», փորձել են հանրության մոտ պատկեր ստեղծել, որ ինքը կոռուպցիայով է զբաղվել: Նրա կարծիքով՝ նախկինում ԱԱԾ-ի կողմից ճնշումներ են եղել, իսկ հիմա վկաները իրենց ցուցմունքներում ասում են այն, ինչի մասին իրենք իրապես գիտեն: «Պարզ է, որ չի հիմնավորվելու մեղադրանքը»,- նշեց Սանասարյանը:
Մանրամասները՝ տեսանյութում:
