02.11.2024 | 13:33
Հրդեհ Աքորի գյուղում, այրվել է տան տանիք
Ոչ ռեզիդենտ կազմակերպությունների կողմից մատուցվող էլեկտրոնային ծառայությունները կհարկվեն․ նախագիծն ընդունվեց առաջին ընթերցմամբ
Տնտեսություն
06.10.2021 | 11:29
ԱԺ-ն առաջին ընթերցմամբ ընդունեց «Հարկային օրենսգրքում» փոփոխություններ և լրացումներ կատարելու մասին նախագիծը, որով առաջարկվում են կարգավորումներ ոչ ռեզիդենտ կազմակերպության կողմից մատուցվող էլեկտրոնային ծառայությունների մասով ԱԱՀ-ի հաշվարկելու և վճարելու վերաբերյալ։
ՊԵԿ նախագահ Ռուստամ Բադասյանի խոսքով՝ նախագծով ներդրվում է էլեկտրոնային ծառայությունների հարկումը, որոնք իրականացնում են ֆիզիկական անձինք, ոչ ռեզիդենտ կազմակերպությունները:
«Այդպիսի ծառայություններն են ինտերնետով գովազդային ծառայությունների մատուցումը, գովազդային հարթակների տրամադրումը, կրթության ոլորտի ծառայությունների մատուցումը տեղեկատվական հեռահաղորդակցման կապով, այդ թվում՝ ինտերնետով, ինտերնետով ապրանքների, աշխատանքների, ծառայությունների ձեռքբերման առաջարկությունների տեղադրման մասով, ֆիլմեր դիտելու համար նախատեսված ծառայությունները, օրինակ, Netflix-ում, ֆեյսբուքով ֆիզիկական անձանց համար գովազդ տեղադրելը և այլն: Հաշվարկվելու է ԱԱՀ-ի վճար»,- նշեց Բադասյանը։
Նախագիծն ընդունվեց 59 կողմ, 23 ձեռնպահ ձայներով։
