04.06.2026 | 20:17
Փաստաբանն ահազանգում է՝ Արթուր Օսիպյանի կյանքի համար լուրջ վտանգ է առկա
ԵՏՄ երկրներից ՀՆԱ ամենաբարձր աճը Հայաստանում է՝ 5.7 %
Տնտեսություն
04.10.2021 | 18:07
Այս տարվա հունվար-հուլիս ամիսներին Եվրասիական տնտեսական միության երկրների ՀՆԱ-ի աճը ընդհանուր առմամբ կազմել է 4.5 %․ աճի ամենամեծ ցուցանիշը գրանցվել է Հայաստանում՝ 5.7 %: Այս մասին Factor.am-ը տեղեկանում է Եվրասիական տնտեսական հանձնաժողովի կայքում հրապարակված վիճակագրական տվյալներից։
Բելառուսում ՀՆԱ-ի աճը կազմել է 3.3 %, Ղազախստանում՝ 2.3 %, Ռուսաստանում՝ 4.8 %, իսկ Ղրղզստանում 1.7 % նվազում է արձանագրել։
ԵՏՄ երկրների շարքում Հայաստանը առաջատարն է նաև գյուղատնտեսական արտադրանքի ծավալների աճի տվյալներով՝ +6.4 %: Բելառուսում և Ղրղզստանում ընդհակառակը՝ գյուղատնտեսական արտադրանքի ծավալների նվազում է արձանագրվել, իսկ 0.4 % աճ է գրանցվել Ռուսաստանում, 2.4 %` Ղազախստանում։
Հայաստանը առաջատարն է նաև հիմնական կապիտալում ներդրումների աճի, կատարված շինարարական աշխատանքների ծավալի, բեռնափոխադրումների, ուղևորափոխադրումների ինչպես նաև փոխադարձ առևտրաշրջանառության տվյալներով։
Ըստ վիճակագրության՝ ԵՏՄ երկրների շարքում Հայաստանում գրանցվել է գնաճի ամենացածր մակարդակը՝ 3.3 % (հուլիսը՝ դեկտեմբերի համեմատ):
Բելառուսում գնաճը կազմել է 5.9 %, Ղրղզստանում` 7 %, Ղազախստանում՝ 5.3 %, Ռուսաստանում` 4.5 %։
Անժելա Պողոսյան
