18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Պաշտպանության նախկին նախարար Դավիթ Տոնոյանը 2 ամսով կալանավորվեց․ ՏԵՍԱՆՅՈւԹ
Հասարակություն
30.09.2021 | 20:22
Երևանի ընդհանուր իրավասության դատարանը այսօր՝ սեպտեմբերի 30-ին, բավարարեց Պաշտպանության նախկին նախարար Դավիթ Տոնոյանին կալանավորելու մասին ԱԱԾ քննիչի միջնորդությունը։
Տոնոյանը կալանքի տակ կմնա 2 ամսով։
Նրա փաստաբան Սերգեյ Հովհաննիսյանը լրագրողների հետ զրույցում ասաց, որ Դավիթ Տոնոյանն իրեն առաջադրված մեղադրանքը չի ընդունում։
«Առաջադրված մեղադրանքի կապակցությամբ հայտարարություններ արեց դատարանում, տվեց համապատասխան բացատրություններ»,- նշեց պաշտպանը։
Հովհաննիսյանի խոսքով՝ դիմելու են վերաքննիչ քրեական դատարան` բողոքարկելու ընդհանուր իրավասության դատարանի որոշումը։
Նրա խոսքով` քննիչի ներկայացրած միջնորդության համար դրված էր կալանավորման երկու հիմք` մեկը ազատության մեջ գտնվելու պարագայում քննությանը խոչընդոտելն էր, մյուսը` քննությունից թաքնվելը։ Պաշտպանն այս պահին չի կարող ասել, թե կոնկրետ ինչ է դրվել հիմքում. կծանոթանան որոշմանը և ըստ այդմ կներկայացնեն իրենց հակափաստարկները։
«Միանշանակ հիմնավոր չենք համարում դատարանի որոշումը։ Հաշվի առնելով նախաքննական գաղտնիքը՝ շատ մանրամասներ չեմ կարող ասել, բայց գործում առկա են բազմաթիվ տեղեկություններ, որ հերքում են մեղադրանքները», – ասաց Հովհաննիսյանը։
Պաշտպանի խոսքով՝ մեղադրանքը վերաբերում է խոշոր չափի վատնումի հետ, սակայն մանրամասներ չի կարող հայտնել։
Մանրամասները՝ տեսանյութում:
