05.08.2026 | 22:03
Microsoft-ը հայտնել է ռուս հաքերների լայնածավալ արշավի մասին՝ ուղղված ամբողջ աշխարհի հյուրանոցների Wi-Fi ցանցերի դեմ
Ֆեյսբուքում Փաշինյանին վիրավորելու առթիվ հարուցված գործը՝ Freedom House-ի ուշադրության կենտրոնում․ դադարեցնել վիրավորանքը քրեականացնող օրենսդրության կիրարկումը
Հասարակություն
28.09.2021 | 17:28
Freedom House-ը մտահոգություն է հայտնել քրեական գործի կապակցությամբ, որը հարուցվել է Facebook-ի օգտատերերից մեկի դեմ՝ մեկնաբանություններում ՀՀ վարչապետ Նիկոլ Փաշինյանին վիրավորելու համար:
«Քրեական գործը հարուցվել է այն բանից հետո, ինչ խորհրդարանն ընդունել է նոր լրացումներ, որոնցով քրեականացվում է կառավարության անդամներին «լուրջ վիրավորանք» հասցնելը։ Սա վկայում է Հայաստանում ժողովրդական նորմերի, այդ թվում՝ խոսքի ազատության դեգրադացիայի մասին։ Մենք կոչ ենք անում Հայաստանի իշխանություններին՝ անհապաղ վերջ դնել վիրավորանքը քրեականացնող այս հակասահմանադրական օրենսդրության կիրարկումը»,- ասված է իրավապաշտպան կազմակերպության տարածած հայտարարության մեջ:
Սեպտեմբերի սկզբին հայտնի դարձավ, որ ոստիկանությունը փնտրում է սոցիալական ցանցերից մեկի՝ «Հրանտ Ավետիսյան» անունով օգտատիրոջը, որը, իբր, Facebook-ում Փաշինյանին ուղղված վիրավորական մեկնաբանություն է գրել։
Տաթև Ֆռանգյան
