02.04.2026 | 23:17
Պարսից ծոցի երկրները քննարկում են խողովակաշարերի կառուցման հարցը՝ Հորմուզի նեղուցով նավթ չմատակարարելու համար. FT
Հաց բերողի մարմինը մի օր կամփոփեն «Եռաբլուրում». այսօր Արթուր Սարգսյանի մահվան 40-րդ օրն է
Հասարակություն
25.04.2017 | 16:57
Այսօր Հաց բերող մականունը ստացած, «Սասնա ծռեր» խմբավորման անդամ Արթուր Սարգսյանի մահվան 40-րդ օրն է: Նրա շիրմին էին այցելել հարազատները, ընկերները, քաղաքական ու մշակութային գործիչներ, «Սասնա ծռեր» խմբի անդամների հարազատներ:
Արթուր Սարգսյանի հարազատների ձեռքին պաստառ էր՝ «Հաց բերողի դեմ ոճրագործության 40-րդ օրը» գրությամբ:
«Հիմնադիր խորհրդարանի» անդամ Ալեք Ենիգոմշյանը լրագրողների հետ զրույցում նշեց, որ Արցախյան պատերազմին մասնակցած Արթուր Սարգսյանը միշտ երազել է, որ իրեն թաղեն «Եռաբլուր» զինվորական պանթեոնում:
«Կալանավայրից երբ ազատ էր արձակվել, միշտ գնում էր Եռաբլուր՝ ազատամարտիկ ընկերների գերեզմանին, սիրում էր գնալ, խոսել նրանց հետ: Նաև շատ էր ցանկանում, որ մահանալուց հետո իրեն այդտեղ թաղեն»,- ասաց նա՝ հույս հայտնելով, որ մի օր նրա վերջին ցանկությունը իրականություն կդառնա:
Նշենք, որ Արթուր Սարգսյանին հողին են հանձնել Շահումյանի գերեզմանատանը՝ նրան թաղել են բետոնապատ փոսում՝ հետագայում «Եռաբլուր» տեղափոխելու նպատակով:
Հիշեցնենք նաև,որ Արթուր Սարգսյանը 2016 թվականի ամռանը ոստիկանության Երևանի ՊՊԾ գնդի տարածքը գրավելու օրերին կրակահերթերի տակ ավտոմեքենայով ճեղքել էր ոստիկանական պատն ու հաց տարել «Սասնա ծռերին»։
