05.01.2025 | 21:53
Մատուցվեց Սուրբ ծննդյան ճրագալույցի պատարագ․ ԼՈՒՍԱՆԿԱՐՆԵՐ
Մի զարմացեք, որ հավելավճար ենք ստանում. Վահրամ Դումանյան. ՏԵՍԱՆՅՈՒԹ
Հասարակություն
24.09.2021 | 12:57
Մեր նախարարությունը մինչև սեպտեմբերի 21-ը և դրանից հետո նույն ռեժիմի մեջ է եղել՝ պարգևավճարների առումով, որևիցե նորույթ չկա: Այս մասին լրագրողների հետ զրույցում նշեց ՀՀ կրթության, գիտության, մշակույթի և սպորտի նախարար Վարդան Դումանյանը՝ հաստատելով, որ սեպտեմբերի 21-ի առիթով պարգևավճար ստացել է։ Նախարարը, սակայն, խնդրեց, դա կոչել ոչ թե «պարգևավճար», այլ «հավելավճար» կամ «լրավճար»։ Նա նաև կոչ արեց լրագրողներին այդ փաստից չզարմանալ։
Ամեն օր զարմանո՞ւմ եք, որ արևը ծագում և մայր է մտնում,- նշեց Դումանյանը,- այս հարցը խնդրում եմ մի՛ շահարկեք, մի՛ զարմացեք հավելավճար ստանալու թեմայով»։
Իսկ թե որքան են պարգևատրվել մանկավարժներն ու դասախոսները Անկախության 30-ամյակի առիթով, Դումանյանը տեղյակ չէ։
«Միգուցե ինչ-որ մի բուհ իր դասախոսներին հավելավճարներ է տվել։ Շատ հաճելի կլինի, որ այնքան հավելավճար, լրավճար տան, որ բոլորը բավարարվածության զգացում ունենան։ Բուհերը ինքնավար կառույցներ են։ Եթե ունեն բավարար դրամական միջոցներ և որոշում են նման քայլ անել, միայն կարելի է ողջունել»,- ասաց նախարարը։
Մանրամասները՝ տեսանյութում:
