07.10.2026 | 23:48
Արթուր Դանիելյանը կալանավորվեց
Ոչ թե լրտեսներ, այլ զբոսաշրջիկներ Իրանից․ ոստիկանության պարզաբանումը «Ոսկու աշխարհի» դիմացից բերման ենթարկվածների մասին
Հասարակություն
19.09.2021 | 21:10
ՀՀ ոստիկանությունը պարզաբանում է տարածել այսօր ԶԼՄ-ներում «Ոսկու աշխարհի» դիմացից բերման են ենթարկվել 2 թուրքեր» վերտառությամբ հոդվածի վերաբերյալ:
«Տեղեկացնենք, որ սեպտեմբերի 19-ին` ժամը 18.07-ին, ոստիկանություն զանգած քաղաքացին, հայտնեց, որ մայրաքաղաքի ոսկու շուկաներից մեկի մոտ կասկածելի 3 անձ են բռնել և կարծում են, որ նրանք Ադրբեջանի լրտեսներ են:
Րոպեներ անց նշված վայր ժամանած ոստիկանության Կենտրոնական բաժնի ծառայողները և պարեկային ծառայության աշխատակիցները ինքնությունը պարզելու նպատակով ոստիկանություն բերման են ենթարկել 3 անձի: Պարզվել է, որ նրանք ԻԻՀ-ից ժամանած զբոսաշրջիկներ են:
Կատարվել են պարզաբանումներ և բերման ենթարկվածները բաց են թողնվել:
Կոչ ենք անում չճշտված տեղեկություններ չհրապարակել»,- ասվում է պարզաբանման մեջ:
