30.01.2026 | 19:20
Սիրիան և քրդերի գլխավորած SDF-ը մի քանի շաբաթ տևած բախումներից հետո ինտերգրման գործարքի են հասել
Ագարակաձորում թակարդի մեջ հայտնված արջը փրկվել է
26.08.2021 | 14:08
Օգոստոսի 24-ին Վայրի բնության և մշակութային արժեքների պահպանման հիմնադրամն (FPWC) ահազանգ է ստացել ՀՀ ԱԻՆ փրկարար ծառայությունից, որ Վայոց ձորի մարզում արջին օգնություն է անհրաժեշտ։ FPWC թիմը շտապել է կենդանուն օգնության։ Պարզվել է, որ գորշ արջի մոտ 2 տարեկան առանձնյակն Ագարակաձոր գյուղի մոտակայքում հայտնվել է թակարդի մեջ և նրան հարկավոր է օգնություն։
Հիմնադրամի մասնագետները հատուկ հեռահար թմրեցնող սարքի միջոցով քնեցրել են կենդանուն և տեղափոխել անվտանգ վայր։ Գորշ արջն ուշքի գալով վերադարձել է վայրի բնություն։ Տեղում աշխատել են FPWC թիմի անդամները, Բնապահպանության և ընդերքի տեսչական մարմնի, ինչպես նաև՝ ԱԻՆ փրկարար ծառայության աշխատակիցներ։
Ընդգծենք, որ գորշ արջը ՀՀ կենդանիների կարմիր գրքում ներառված կենդանատեսակ է և ունի հատուկ պահպանության կարիք։ Գորշ արջի որսն արգելված է, ինքնաշեն կամ այլ թակարդներ տեղադրելը նույնպես անթույլատրելի է և նախատեսում է պատասխանատվություն։
FPWC շնորհակալություն է հայտնում բոլոր գործընկերներին աջակցության համար և հիշեցնում՝ վայրի կենդանու տեղը վայրի բնության մեջ է։
