14.02.2026 | 20:05
«Տոտենհեմը» նոր գլխավոր մարզիչ ունի
Տոկիոյում բացվում են 16-րդ ամառային պարալիմպիկ խաղերը
24.08.2021 | 23:17
Այսօր Տոկիոյում բացվում են ամառային պարալիմպիկ 16-րդ խաղերը: Դրանք կտևեն մինչև սեպտեմբերի 5-ը:
Առաջին անգամ պարալիմպիկ ծրագրին ավելացվել են բադմինտոնն ու թեքվանդոն, սակայն նավագնացությունը և պարաօլիմպիական ֆուտբոլի տեսակներից մեկը հանվել են, գրում է BBC-ի ռուսական ծառայությունը:
Բոլոր տեսակի մրցումները մեկնարկում են չորեքշաբթի։ Առաջին օրը կխաղարկվի մրցանակների 24 հավաքածու՝ 4-ը հեծանվասպորտում, 16-ը՝ լողում և 4-ը՝ սուսերամարտում:
Խաղերի ընդամենը երկու շաբաթվա ընթացքում մարզիկները կպայքարեն մեդալների 540 հավաքածուի համար, ինչը 12-ով ավելի է, քան Ռիո դե Ժանեյրոյում կայացած պարալիմպիկ խաղերում:
Հավելենք, որ հաշմանդամություն ունեցող անձանց համար առաջին խաղերը ՄՕԿ-ի հովանու ներքո անցկացվել են 1960 թվականին Հռոմում: Խորհրդանշական է, որ դրանք առաջին անգամ Պարալիմպիկ խաղեր անվանվեցին Տոկիոյում 1964 թվականին:
Տաթև Ֆռանգյան
