06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Թուրքիայում երկրորդ շաբաթն է՝ շարունակվում են անտառային հրդեհները
09.08.2021 | 15:26
Թուրքիայում արդեն երկու շաբաթ շարունակում են մոլեգնել անտառային հրդեհները, չնայած դրան՝ թուրք պաշտոնյաները նշում են, որ հրդեհների օջախների մեծ մասը հաջողվել է մեկուսացնել ու հսկողության տակ վերցնել։ «Բոլոր անտառային հրդեհները մեր երկրում հսկողության տակ են, բացառությամբ Միլասի՝ Մուղլայի շրջանի ու Քոյջեգիզեի, շարունակվում են հրդեհաշիջման աշխատանքները»,- գրել է Թուրքիայի գյուղատնտեսության ու անտառային տնտեսության նախարար Բեքիր Փաքդեմիրլին։
Անադոլու գործակալությունն էլ հայտնում է, որ Թուրքիայի հարավ-արևելքում շարունակվում են հրդեհների 5 օջախի շիջման աշխատանքները։ Մուղլայում հրդեհաշիջման աշխատանքներում ներգրավված է 6 ինքնաթիռ, 39 ուղղաթիռ, մեծ թվով հրշեջ մեքենաներ, 1000-ից ավելի հրշեջ։
Ավելի վաղ էլ Թուրքիայի նախագահականի հանրային կապերի բաժնի ղեկավար Ֆահրեթթին Ալթունն էլ հայտնել էր, որ մարվել կամ հսկողության տակ է վերցվել 47 նահանգում 234 հրդեհ, երկրի հարավում 5 հրդեհների շիջման աշխատանքները շարունակվում են։
Էմմա Չոբանյան .
