19.12.2025 | 21:55
ԱԱԾ-ին վերագրվող թուղթ է հրապարակվել. Եզրաս արքեպիսկոպոսի՝ ԿԳԲ-ի գործակալ լինելու պնդման արձագանքները․ ՏԵՍԱՆՅՈՒԹ
«ՏաԹևեր» ճոպանուղին անխափան աշխատում է
Հասարակություն
08.08.2021 | 21:33
Այս պահին «ՏաԹևեր» ճոպանուղին անխափան աշխատում է։ Այս մասին հայտնում է «ՏաԹևեր» ճոպանուղու տնօրինությունը։
Հայտարարությունը ներկայացնում ենք ստորև․
«Հարգելի այցելուներ,
Տեղեկացնում ենք, որ այսօրվա պատահարի հետևանքով ճոպանուղում մնացած բոլոր այցելուները բարեհաջող տարհանվել են։
Տեղեկացնենք, որ պատահարը տեղի է ունեցել կայծակի հետևանքով, երկու խցիկներում ընդհանուր եղել է 41 այցելու։
Այս պահին ճոպանուղին անխափան աշխատում է։ Մենք, ինչպես միշտ, աշխատելու ենք ամեն օր, բացի երկուշաբթի օրերից, ժամը 10։30-ից մինչ 19։00»։
Ավելի վաղ ՀՀ ԱԻՆ-ից հայտնել էին, որ օգոստոսի 8-ին՝ ժամը 15։58-ին, Վայոց ձորի մարզային ճգնաժամային կառավարման կենտրոն ահազանգ է ստացվել, որ Սյունիքի մարզի Հալիձոր գյուղում գտնվող «Տաթևեր» ճոպանուղու խափանման հետևանքով շարժակազմն արգելափակվել է բարձրության վրա։
ԱԻՆ-ից հայտնել էին նաև, որ տարհանվել է 42 քաղաքացի։
