15.05.2024 | 23:54
25 հեկտար հողերը կվերադարձվեն Կիրանցին, ճանապարհի տեղափոխման խնդիր կա. վարչապետի աշխատակազմ
ՆԱՏՕ-ն նշել է Սև ծովում Ռուսաստանի ռազմածովային նավի վրա հարձակման պայմանը
Տնտեսություն
01.08.2021 | 21:00
ՌԴ ռազմածովային ուժերը կանոնավոր կերպով ուղեկցում են ՆԱՏՕ-ի նավերը Սև ծովի ջրատարածքում՝ այդ կերպ հրահրելով Հյուսիսատլանտյան նավատորմը: Iz.ru-ի փոխանցմամբ՝ այս մասին Business Insider-ին տված հարցազրույցում ասել է Եվրոպայում և Աֆրիկայում ԱՄՆ ռազմածովային ուժերի հրամանատար, ծովակալ Ռոբերտ Բերկը։
Նրա խոսքով ՝ Ռուսաստանի ռազմածովային ուժերի զորավարժությունները ՆԱՏՕ-ին վախեցնելու նպատակ են հետապնդում։
«Կարելի է պնդել, որ նրանք (ռուսները- խմբ.) մեզ սադրում են, որ առաջինը հարվածենք։ Մենք չենք պատրաստվում դա անել առաջինը առանց սադրանքի, բայց ես չեմ պատրաստվում իմ հրամանատարներից պահանջել առաջին հարվածն ընդունել»,- ասել է Բերկը։
Հունիսին ՌԴ սևծովյան նավատորմը ԱԴԾ Սահմանապահ ծառայության հետ կանգնեցրել էր Բրիտանական Defender էսկադրային ականակրի կողմից ռուսական պետական սահմանի խախտումը։ Նավը հատել էր ՌԴ պետական սահմանը և մտել տարածքային ծով Ֆիոլենտ հրվանդանի շրջանում 3 կմ խորության վրա:
ՌԴ Պաշտպանության նախարարությունում տեղի ունեցածը գնահատել են որպես 1982 թվականի ծովային իրավունքի վերաբերյալ ՄԱԿ-ի կոնվենցիայի կոպիտ խախտում և բրիտանական կողմին կոչ են արել մանրակրկիտ հետաքննություն անցկացնել Defender-ի անձնակազմի գործողությունների վերաբերյալ: ՌԴ ԱԳՆ պաշտոնական ներկայացուցիչ Մարիա Զախարովան ընդգծել էր, որ միջադեպը դասական սադրանք է:
Ընդ որում, հուլիսի 1-ին հայտնի է դարձել, որ Մեծ Բրիտանիայի պաշտպանության նախարարությունը միտումնավոր Defender էսկադրային ականակիրը ուղարկել է Ղրիմի ափեր՝ Ռուսաստանին սադրելու նպատակով: Այս մասին են վկայում գաղտնի փաստաթղթերը, որոնք հայտնաբերել են Քենթի կոմսության ավտոբուսի կանգառում։
