15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
ԵնթաԴՐՈՒԹՅՈՒՆ. Ի՞նչ է սպասվում Հայաստանին Սերժ Սարգսյանի վարչապետ դառնալու դեպքում. ՏԵՍԱՆՅՈՒԹ
Քաղաքականություն
08.03.2018 | 15:07
Չնայած 2014 թվականի ապրիլին նախագահ Սերժ Սարգսյանը հայտարարել է, որ պաշտոնավարման ժամկետը լրանալուց հետո ինքն այլևս չի հավակնի ո՛չ նախագահի, ո՛չ վարչապետի պաշտոնին, այդուհանդերձ նրա՝ վարչապետի պաշտոնը ստանձնելու հավանականությունն օրեցօր աճում է:
Իհարկե, Հանրապետական կուսակցության ներկայացուցիչների գնահատմամբ՝ եթե նման բան տեղի ունենա, ապա դա չի նշանակի, որ Սերժ Սարգսյանը կդրժի տված խոստումը, պարզապես, ինչպես ՀՀԿ-ականներն են բացատրում, Սարգսյանը ստիպված կլինի հաշվի նստել կուսակցության որոշման հետ:
Իսկ թե ինչ են մտածում Սերժ Սարգսյանի կուսակիցներն, ավելի քան պարզ է նրանց միմյանց լրացնող և գրեթե նույնաբովանդակ հայտարարություններից, որ գործող նախագահն անփոխարինելի և կատարյալ առաջնորդ է:
Ընդդիմադիր գործիչները սուր քննադատության են ենթարկում այս պնդումները, ավելին՝ նրանք համոզված են՝ Սերժ Սարգսյանի վարչապետի պաշտոնի ստանձնումն առավել կխորացնի Հայաստանում առկա ներքին և արտաքին մարտահրավերները:
Ինքը՝ Սերժ Սարգսյանն օրերս ասել է, թե այս պահին որոշում չունի և դեռ ժամանակ ունի մտածելու: Այնուամենայնիվ, ի ՞նչ է սպասվում Հայաստանին, եթե Սերժ Սարգսյանը ի հակառակ իր հայտարարության ՝ որոշի ստանձնել վարչապետի պաշտոնը:
Մանրամասները՝ տեսանյութում:
Շողիկ Գալստյան
