Երեխաները ստիպված են լինում հաճախել տնից հեռու դպրոց՝ բնակության վայրը հաշվի չառնելու պատճառով. ՀՀ ՄԻՊ-ի տարեկան հաղորդումը

Հասարակություն

27.07.2021 | 12:52

Լուրեր

12.12.2025 | 14:41

Մեսիի տրանսֆերային արժեքը նվազել է

12.12.2025 | 14:30

ԲԴԽ-ն քննում է դատավոր Արշակ Պետրոսյանին պատասխանատվության ենթարկելու հարցը

12.12.2025 | 14:29

Դեսպան Խաչատրյանը հանդիպել է Ֆրանսիայի Եվրոպայի և արտաքին գործերի նախարար Ժան-Նոել Բարոյի հետ

12.12.2025 | 14:18

Հույս ունենք Ադրբեջանի և Հայաստանի միջև խաղաղության պայմանագրի շուտափույթ կնքման. Տոկաև

12.12.2025 | 14:07

5 խաղ, 5 գոլ․ «Նոայի» հարձակվողը Կոնֆերենցիաների լիգայի լավագույն ռմբարկուն է

12.12.2025 | 13:58

Բացառությամբ նախագահ Զելենսկու, նրա մարդկանց դուր է գալիս համաձայնագրի նախագիծը. Թրամփ

12.12.2025 | 13:47

ԵՄ մուտքի արտոնագրերի ազատականացման գործողությունների ծրագրի շրջանակում իրականացվող ԵՄ գնահատման առաջին առաքելության պատվիրակությունը հյուրընկալվել է Հակակոռուպցիոն կոմիտեում

12.12.2025 | 13:38

Եթե Ադրբեջանը զորակազմ ուղարկի Գազա, դա կարող է ներքաղաքական հետևանքներ ունենալ. ադրբեջանցի պաշտոնյա

12.12.2025 | 13:27

Ռուսաստանը ներկայացնող հայ բռնցքամարտիկը՝ աշխարհի առաջնության եզրափակիչում

12.12.2025 | 13:18

Ալեքսանդր Կոչուբաևի խափանման միջոցը վերացվեց․ փաստաբան

12.12.2025 | 13:07

Թուրքիայի ՊՆ ղեկավարը հայտարարել է, որ գոհունակությամբ են հետևում Ադրբեջանի և Հայաստանի միջև դրական զարգացումներին

12.12.2025 | 13:05

Անկարգություններ Երևանում․ լեհ 17 երկրպագու է ձերբակալվել

12.12.2025 | 12:56

38-ամյա Ջեյմի Վարդին՝ Ա սերիայի ամսվա լավագույն ֆուտբոլիստ․ ՏԵՍԱՆՅՈՒԹ

12.12.2025 | 12:45

Ժամկետը փոխվեց․ առողջության համընդհանուր ապահովագրության համակարգն ավելի վաղ կգործարկվի․ ՏԵՍԱՆՅՈՒԹ

12.12.2025 | 12:41

Օդի ջերմաստիճանը կնվազի, սպասվում են տեղումներ և քամու ուժգնացում

Բոլորը

Մարդու իրավունքների պաշտպանը դեռևս 2019 թվականին բողոքներ է ստացել այն մասին, որ երեխաների՝ իրենց բնակության վայրին մոտ հանրակրթական ուսումնական հաստատություն ընդունվելու հարցի հետ կապված կան մի շարք խնդիրներ: Թեև այդ խնդիրները մասամբ լուծվել են, սակայն 2020 թվականի ընթացքում Մարդու իրավունքների պաշտպանի աշխատակազմին շարունակվել են բողոքներ հասցեագրվել. տեղեկացնում են ՄԻՊ աշխատակազմից:

Այսպես, 2020 թվականին կատարված փոփոխությունների համաձայն՝ սովորողների ընդունելությունը կազմակերպելիս առաջնահերթությունը տրվել է տվյալ դպրոցում սովորող քույր, եղբայր ունեցող երեխաներին, ինչպես նաև տվյալ դպրոցի աշխատակիցների երեխաներին: Թեև դպրոցի ընդունելության կարգը հստակեցվել է, սակայն փոփոխություններ կատարելիս կարևոր էր հաշվի առնել նաև բնակության վայրին մոտ բնակվող երեխաների ընդունելության համար առաջնահերթություններ սահմանելը:

Բնակության վայրին առավել մոտ դպրոց հաճախելու հետ կապված Պաշտպանը ստանում է բողոքողներ նաև 2021 թվականին: Ծնողները նշում են, որ երեխաներին իրենց բնակավայրից հեռու գտնվող դպրոց տանելը դժվարություններ է ստեղծում, հատկապես այն դեպքերում, երբ երեխան ունի հաշմանդամություն, տեղաշարժման հետ կապված խնդիրներ: Առանց այն էլ տրանսպորտային միջոցների և այլ միջավայրային հարցերում երեխաներն ու իրենց ծնողները բախվում են խնդիրների: Խնդիրն արդիական է նաև այն դեպքում, երբ ընտանիքում կան մանկահասակ և խնամքի կարիք ունեցող այլ երեխաներ:

Դա դժվարություններ է ստեղծում նաև հատկապես տարրական դասարաններում սովորող երեխաների ծնողների համար, որոնք աշխատում են: Ստիպված են լինում երեխաներին տանել դպրոց, որի պատճառով խնդիրներ են ունենում աշխատանքի վայրում:

Բնակության վայրը՝ որպես հանրակրթական ուսումնական հաստատություն ընդունվելու չափանիշ հաշվի չառնելը ծնողների համար առաջացնում է նաև ֆինանսական դժվարություններ:

Հաշվի առնելով խնդրի արդիականությունը՝ Մարդու իրավունքների պաշտպանն առաջարկում է կատարել համապատասխան փոփոխություններ, որով հանրակրթական ուսումնական հաստատություն ընդունելությունն իրականացնելիս չափանիշների թվում առավելություն կտրվի առաջնահերթ դպրոցին առավել մոտ բնակվող սովորողներին: