26.11.2024 | 20:29
Գերմանիան իրավունք չունի Taurus-ներ մատակարարել. Շոլց
Պարեկային ծառայության շուրջ քաղաքացիների դժգոհությունները վերլուծում ենք. Ումրշատյան. ՏԵՍԱՆՅՈՒԹ
Հասարակություն
26.07.2021 | 11:30
«Ամենացածր ստացող պարեկային ծառայողը կստանա մոտավորապես 230 հազար դրամ, իսկ մյուսները՝ ըստ իրենց զբաղեցրած պաշտոնների: Այս մասին այսօր հրավիրած մամուլի ասուլիսի ժամանակ ասաց ոստիկանության պարեկապահակետային ծառայության պետ, գնդապետ Արթուր Ումրշատյանը։
«Մեզ մոտ դասակարգում կա՝ կրտսեր պարեկ, պարեկ և ավագ պարեկ։ Այո՛, սոցիալական բաղադրիչը շատ կարևոր է, սակայն գուցե մի քիչ էլ տարօրինակ թվա, բայց անձնակազմի մոտիվացիան այնքան բարձր մակարդակի վրա է, որ այդ հարցով կոնկրետ անձնակազմից դեռ ոչ մեկը հարց չի բարձրացրել։ Իրենք մոտավոր չափը գիտեն, իրենց արդեն հայտարարված է»,- ասաց պարեկային ծառայության պետը։
Նա նաև նշեց, որ պարեկային ծառայության շուրջ քաղաքացիների դժգոհությունները վերլուծվում են: «Առանցքային, լուրջ խնդիր չի բարձրացվել քաղաքացիների կողմից, հիմնականում Երևանում երթևեկության ծանրաբեռնվածության հետ են կապված դժգոհությունները, որը մեր հիմնական մարտահրավերներից մեկն է»,- նշեց Ումրշատյանը։
Մանրամասները՝ տեսանյութում:
