19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Շախ և մատ․ զինվորներն ու պատգամավորները մրցել են տախտակի շուրջ. ՏԵՍԱՆՅՈՒԹ
Հասարակություն
20.07.2021 | 20:55
Զինվորի տանն այսօր մարզական տրամադրություն էր։ Շախմատը միավորել էր տարբեր մասնագիտությամբ անձանց․ խնամք ստացող զինվորները շախմատ էին խաղում Երևանի պետական բժշկական համալսարանի ռեկտորի և պատգամավորների հետ։
Զինվորներից ոմանք այնքան են հմտացել խաղում, որ հաջողվում էր շախմատային տախտակի վրա գերազանցել պատգամավորներին։
44-օրյա պատերազմի մասնակից Պետրոս Էֆենջյանը կամավորագրվել է պատերազմի հենց առաջին օրը, եղել է Քարվաճառում։ Հոկտեմբերի 14-ին վիրավորվել է, բուժում ստանալուց հետո հիմա արդեն կազդուրման փուլում է։ Ասում է՝ պատերազմը փոխել է իրեն։ Մեկ այլ զինվորի խոսքով էլ՝ շախմատն էլի կռվի դաշտ է, որտեղ ամեն ինչ կախված է քո քայլերից։
7-րդ գումարման խորհրդարանի պատգամավոր Արտակ Մանուկյանը չափազանց կարևոր է համարում նախաձեռնությունը և պատահական չէ, որ ինքն էլ մշտապես անմիջական մասնակից է դառնում։«Բանակում մենք ինտելեկտուալ բաղադրիչը է՛լ ավելի պիտի կարևորենք, և շախմատն այս առումով կարևոր է»,- ասաց նա։
Մանրամասները՝ տեսանյութում։
Մերի Մարտիրոսյան
