09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
2935 դիմորդ բուհ չի ընդունվել․ թափուր մնացած տեղերի թիվը մեծ է․ Կարո Նասիբյան. ՏԵՍԱՆՅՈՒԹ
Հասարակություն
19.07.2021 | 12:31
«Միասնական քննություն հանձնող հայտագրվածների թիվը 11058 էր, ընդունվածներինը` 8083, մրցույթից դուրս մնացածների թիվը 2935 է, որի մեջ մտնում են նաև կտրվածները: Այսօր հրավիրված ասուլիսի ժամանակ, ամփոփելով միասնական քննությունների արդյունքները, նշեց ԳԹԿ փոխտնօրեն Կարո Նասիբյանը:
«Կտրվածների թիվը պետք է բաժանել երկու մասի. կան, որ երկու քննություն են հանձնել, երկուսից էլ անբավարար ստացել, կան, որ հանձնել են մեկն ու անբավարար ստացել։ Երկու քննություն հանձնողը կարող է մասնակցել թափուր մնացած տեղերի լրացուցիչ մրցույթին։ Թափուր մնացած տեղերի թիվը մեծ է, որովհետև ընգրկված են նաև ոչ պետական բուհերը` մոտավորապես 15 հազար տեղ դեռևս ունենք»,-նշեց ԳԹԿ փոխտնօրենը:
Անդրադառնալով թափուր մնացած տեղերի համար հայտագրումներին՝ Նասիբյանը տեղեկացրեց. «Եթե դիմորդները այսօր ժամը 18:00-ից բացեն մեր dimord.am կայքն ու փորձեն գտնել թափուր մնացած տեղերը՝ ըստ մասնագիտությունների ու բուհերի, կտեսնեն այդ ինֆորմացիան: Այսօր մեկնարկում է հայտագրումը, որը կտևի մինչև հուլիսի 26-ը ներառյալ, այն դիմորդները, ովքեր դրական միավորներով կամ մեկ միավորով դուրս են մնացել, նորից կարող են հայտագրվել, կարող են ընտրել 6 մասնագիտություն »:
Մանրամասները՝ տեսանյութում:
