12.12.2025 | 16:37
Պայթյուն Նորապատ գյուղում․ հրշեջ-փրկարարները կանխել են հրդեհի տարածումը դեպի հարակից գլանատակառներ
Բելգիայում ջրհեղեղների հետևանքով զոհերի թիվը հասել է 31-ի
18.07.2021 | 20:59
Բելգիայում ջրհեղեղների հետևանքով զոհերի թիվը հասել է 31-ի։ «ՌԻԱ Նովոստի»-ի փոխանցմամբ՝ հայտնում է դաշնային ճգնաժամային կենտրոնը:
Անհետ կորած է համարվում 163 մարդ։ Ներկայում փրկարարական գործողությունները դադարեցվել են, ընթանում են միայն որոնողական գործողություններ, նոր ջրհեղեղների վտանգ չկա, հստակեցրել են կենտրոնում։
Միաժամանակ բելգիական լրատվամիջոցները հայտնում են, որ արդեն 35 մարդու մարմին է հայտնաբերվել։
Մեկ շաբաթվա ընթացքում հզոր տեղատարափ անձրևները Բելգիայում հանգեցրել են իր մասշտաբներով աննախադեպ ջրհեղեղների: Բելգիայի վարչապետ Ալեքսանդր դե Կրոյի խոսքով՝ ջրհեղեղները կարող են ամենաաղետալին դառնալ երկրի պատմության մեջ: Նա հուլիսի 20-ը հայտարարել է ազգային սգո օր։
