15.02.2026 | 17:00
Վենեսուելայում գործողության ժամանակ ԱՄՆ-ն օգտագործել է Claude չաթբոտը. WSJ
Մարդկությանը կլիմայական ճգնաժամ է սպառնում
17.07.2021 | 18:33
Մարդկային քաղաքակրթությունը կլիմայական ճգնաժամ է ապրում, և ապագայում այն միայն կխորանա, վստահ է Climate Crisis Advisory Group կազմակերպության նախագահ, բրիտանացի կլիմայաբան Դևիդ Քինգը:
Գիտնականը Գերմանիայում և Բենիլյուքսի երկրներում աղետալի ջրհեղեղը կլիմայի գլոբալ փոփոխության համատեքստում է դիտարկում:«Այդ էքստրեմալ եղանակային երևույթներն ավելի հաճախակի կդառնան»,- Քինգի խոսքը մեջբերում է AP-ն:
Շաբաթվա սկզբից Գերմանիայում շարունակվում են «Բերնդ» ցիկլոնի պատճառով առաջացած տեղատարափ անձրևները: Տարերքի հիմնական հարվածը կրել են երկրի արևմտյան տարածքները ՝ Հյուսիսային Ռեյն-Վեստֆալիային և Ռեյնլանդ-Պֆալցին։
Ջրհեղեղի զոհերի ընդհանուր թիվը հասել է 133-ի։ Մի շարք շրջաններում էլեկտրականություն և հեռախոսակապ չկա, ավելի քան 1000 մարդ անհետ կորած է։
