12.12.2025 | 18:48
Խաղաղությունը պարզապես պատերազմի բացակայությունը չէ, այն պահանջում է շարունակական ջանքեր․ ՀՀ նախագահ
Երևանում ապօրինի խաղատուն է հայտնաբերվել պետությանը պատճառվել է 5 միլիարդ 500 միլիոն դրամի վնաս․ ՏԵՍԱՆՅՈՒԹ
Հասարակություն
15.07.2021 | 15:51
Քրեական ոստիկանության կոռուպցիոն և տնտեսական հանցագործությունների դեմ պայքարի վարչությունում օպերատիվ տեղեկություններ են ստացվել, որ Երևանի Սայաթ-Նովա փողոցում գործող ժամանցի վայրերից մեկում առանց պետական գրանցման ու հատուկ թույլտվության լիցենզիայի կազմակերպվում են պոկեր տեսակի շահումով կենդանի խաղեր:
Տեղեկություն է ստացվել նաև, որ ապօրինի խաղատանը թմրամիջոցներ են շրջանառվում: Պարզվել է, որ շահումով խաղերը կազմակերպվել են այս տարվա հուլիսից, վաճառել են 500 հազար, 5 հազար և 10 հազար դրամին համարժեք խաղաքարեր և կատարել որոշակի չափով գանձումներ:
Պետությանը պատճառվել է խոշոր չափերի՝ 5 միլիարդ 500 միլիոն դրամի վնաս:
Հուլիսի 7-ին բերման են ենթարկվել ապօրինի խաղատան աշխատակիցները և շուրջ մեկ տասնյակ խաղացողները: Կատարվել են զննություններ, սրահում և բերման ենթարկված անձանց մոտ հայտնաբերվել են օգտագործված կաթուցիչներ՝ մարիխուանայի նմանվող դեղնականաչավուն զանգվածի հետքերով: Փաստի առթիվ հարուցվել է քրեական գործ:
Մանրամասները՝ տեսանյութում:
