08.10.2026 | 19:27
Լավագույն բուհերում սովորողներին տարկետում կտրվի մինչև 32 տարեկանը
Սահմանին զոհվածը 38-ամյա պայմանագրային զինծառայող է, կան նաև կորած ծառայողներ
14.07.2021 | 15:09
Հուլիսի 14-ի առավոտյան, հայ-ադրբեջանական սահմանի Երասխի հատվածում ադրբեջանական զինված ուժերի կողմից իրականացված սադրանքի հետևանքով մահացու հրազենային վիրավորում է ստացել 1983 թվականին ծնված, ՀՀ ԶՈւ N զորամասի պայմանագրային զինծառայող, շարքային Սամվել Գագիկի Ալավերդյանը: Այս մասին հայտնում են ՊՆ մամուլի ծառայությունից։
«Հայաստանի Հանրապետության պաշտպանության նախարարությունը կիսում է կորստյան ծանր վիշտը և զորակցություն հայտնում զոհված զինծառայողի ընտանիքի անդամներին, հարազատներին և ծառայակիցներին»,- ասված է պաշտոնական հաղորդագրության մեջ:
Factor.am-ը ՀՀ ԶՈՒ ԳՇ-ից տեղեկացավ, որ կան նաև կորած զինծառայողներ։ Այս մասին ավելի ուշ պաշտոնական հաղորդագրություն կտարածվի։
