12.01.2026 | 14:19
Ադրբեջանը պաշտոնական դիմում է ուղարկել FIS-ին՝ հայ դահուկորդ Միքայել Միքայելյանի հետ կապված
Թիֆլիսի հայ թատրոնը նաև Ջավախքի հանդիսատեսով պետք է պահվի. Ադամյանցիները հյուրախաղերով Ջավախքում են․ ԼՈւՍԱՆԿԱՐՆԵՐ
Հասարակություն
12.07.2021 | 23:32
Մեկնարկել է Թբիլիսիի հայկական պետական դրամատիկական թատրոնի հյուրախաղերը Ջավախքում, գրում է Aliq.ge-ն։
Այսօր դերասանախումբը հանդիպել է Հեշտիայի հանդիսատեսին` բացօթյա համերգի շրջանակում:
Թատրոնի գեղարվեստական ղեկավար Արմեն Բայանդուրյանն Ալիքի հետ զրույցում ասել է, որ թատրոնի գերխնդիրը հայաշատ գյուղերում մշտապես ներկա լինելն է, քանի որ Թիֆլիսի հայկական թատրոնը պետք է պահվի` ելնելով Ջավախքի հանդիսատեսից. «Թիֆլիսի հայկական թատրոնը միայն Թիֆլիսի հանդիսատեսի համար չէ: Դրա համար ենք այս տարբերակն ընտրել: Քանի որ դահլիճում խաղալ թույլ չի տրվում, բացօթյա ենք ներկայանում` ուրախ զվարճալի ծրագրով: Հետագայում, երբ այս հիվանդությունն անցնի, հաճախ ենք գալու, որ հանդիսատեսը թատրոնի կարոտ չլինի»:
Բայանդուրյանն ասել է, որ կանոնավոր խաղացանկի անցնելուց հետո Թբիլիսիի հայկական դրամատիկականը Ջավախքում տարեկան 12 ներկայացում է խաղալու:
Նա նաև բոլորին հրավիրել է թատրոնի նորացված շենքի բացմանը: Հիշեցնենք` շենքը զրոյից կառուցվել է «Քարթու» հիմնադրամի ամբողջական ֆինանսավորմամբ: Մի քանի ամիս անց նախատեսվում է շահագործել:
Լուսանկարները` Հեշտիայից
