18.12.2025 | 21:24
Պաշտոնական այցերից ինչ նվերներով են վերադարձել ԱԺ նախագահը, ԱԳ նախարարն ու ԱԽ քարտուղարը
Կարանտինը 6 ամսով կերկարաձգվի. Անահիտ Ավանեսյան. ՏԵՍԱՆՅՈՒԹ
09.07.2021 | 13:02
Հայաստանում նախատեսվում է երկարաձգել կարանտինը, որը սահմանվել էր կառավարության որոշմամբ՝ կորոնավիրուսի համավարակի դեմ պայքարի շրջանակներում: Այս մասին հուլիսի 9-ին լրագրողների հետ հանդիպմանն ասաց ՀՀ առողջապահության նախարարի պաշտոնակատար Անահիտ Ավանեսյանը:
«Կարանտինի մասին որոշման նախագիծը շրջանառվել է, ՀՀ կառավարությունում է, և, կարծում եմ, որ կարանտինի երկարաձգման որոշում կկայացվի: Ըստ իս՝ միանշանակ պետք է երկարացվի այն, որովհետև կարանտինի մասին որոշումը ստեղծում է մի գործիքակազմ, որը մեզ հնարավորություն է տալիս սահմանափակումների խիստ կամ նվազ ծավալ կիրառել»,-շեշտեց նախարարի պաշտոնակատարը:
Նրա խոսքով՝ այս պահին ՀՀ սահմանը հատելիս ՊՇՌ թեստավորման մասին պահանջը սահմանվում է կարանտինի մասին որոշմամբ: «Մենք հիմա չենք օգտագործում կարանտինի մասին որոշմամբ հնարավոր բոլոր գործիքակազմը, բայց որոշ բաղադրիչներ ժամանակի ընթացքում ճկուն փոփոխվում են: Այո՛, վեց ամսով այն կերկարաձգվի»,- ընդգծեց Ավանեսյանը՝ հավելելով, որ սահմանափակումների նոր փաթեթ կներկայացվի:
Մանրամասները՝ տեսանյութում:
