12.12.2025 | 16:58
Հայաստանի և Նիդեռլանդների ԱԳ նախարարությունները քաղաքական խորհրդակցություններ են անցկացրել
Գերիների անձնական տվյալների հրապարակմամբ նրանց դնում ենք խոցելի վիճակի մեջ․ Արման Թաթոյան. ՏԵՍԱՆՅՈՒԹ
Հասարակություն
06.07.2021 | 13:03
Մեր կառավարությունը ներսում պիտի ունենա համակարգված քաղաքականություն գերիների հարցով: Այս մասին «Ի՞նչ քայլեր է ձեռնարկում ՀՀ կառավարությունը գերիների իրավունքների պաշտպանության համար» թեմայով առցանց քննարկման ընթացքում հայտարարեց ՀՀ մարդու իրավունքների պաշտպան Արման Թաթոյանը:
ՄԻՊ-ի խոսքով՝ պետք է այնպիսի պետական քաղաքականություն մշակել, որ ներքին հարցերը չխոչընդոտեն արտաքին դաշտում իրականացվող գործողություններին:
Թաթոյանը փաստեց, որ Ադրբեջանում մանրադիտակով հետևում են, թե ինչ է կատարվում մեր հասարակությունում և դա շատ դեպքերում որպես ապացույց են օգտագործում:
«Քաղաքականությունը պետք է լինի այն, որ օգտագործվի տեղեկատվությունը ի նպաստ նրան, որ հետագայում մեր մյուս գերիներին ավելի հեշտ վերադարձնենք, ոչ թե եկածներին էլ խոցելի դարձնենք: Գերիների անձնական տվյալների հրապարակմամբ՝ նրանց դնում ենք խոցելի վիճակի մեջ»,-ընդգծեց ՀՀ մարդու իրավունքների պաշտպանը:
Նրա գնահատմամբ՝ Ադրբեջանում հայ ռազմագերիների դատավարությունն ի սկզբանե արհեստական է. «Դրանք շղարշ են միջազգային հանրության համար՝ որպես արդարացում ձգձգումների համար, որպեսզի իրենք հասցնեն քաղաքական, ռազմական օգուտներ ստանալ»,- նշեց Թաթոյանը: Նրա խոսքով՝ Ադրբեջանի նպատակն է այդ մարդասիրական հարցերը դարձնել քաղաքական սակարկման առարկա:
Մանրամասները՝ տեսանյութում:
