Երևան-Գյումրի մայրուղին դարձյալ փակ է․ բողոքի ակցիա Շիրակի մարզում

Լուրեր

23.11.2024 | 13:14
Անահիտ Ավանեսյանը այցելել է «Հանրապետական շտապօգնության ծառայության» Շիրակի մարզային կայան
23.11.2024 | 12:56
Երկրաշարժ Ադրբեջանում․ այն զգացվել է նաև Սյունիքի մարզում՝ 3-4 բալ ուժգնությամբ
23.11.2024 | 12:34
ԱԺ պատգամավորներ կգործուղվեն Մոսկվա
23.11.2024 | 12:24
Իմ պատասխանը երկուշաբթի կհրապարակեմ. Հովիկ Աղազարյանը` մանդատը վայր դնելու մասին
23.11.2024 | 12:12
Վերադարձի՛ր շարք․ ՊՆ սոցիալական հոլովակը
23.11.2024 | 11:55
Բիոմետրիկ ծառայություններ՝ աշխարհահռչակ բիոտեխնոլոգիական, դեղագործական ընկերություններին. Մխիթար Հայրապետյանն այցելել է «Գուրուս» ընկերություն
23.11.2024 | 11:23
Արտարժույթների փոխարժեքները՝ նոյեմբերի 23-ի դրությամբ
23.11.2024 | 11:00
Հոկտեմբերին եկամուտ ստացող աշխատատեղերի թվաքանակը կազմել է 779 151․ ՊԵԿ
23.11.2024 | 10:41
ՀՀ տարածքում ավտոճանապարհներն անցանելի են
23.11.2024 | 10:19
Քյարամյանի մտերիմը` ՔԿ նախագահ. ո՞վ է Արթուր Պողոսյանը
23.11.2024 | 10:02
Տիգրան Ավինյանի գլխավորած պաշտոնական պատվիրակությունը մեկնել է ԱՄՆ
23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
23.11.2024 | 00:30
«Արևմտյան Ադրբեջանը» մեզ է գրգռում, բա չե՞նք մտածում, որ «Արևմտյան Հայաստանն» էլ ուրիշներին է գրգռում. Փաշինյան. ՏԵՍԱՆՅՈՒԹ
23.11.2024 | 00:16
Փաշինյանը պատմեց՝ ինչու որոշեց սափրել մորուքը. ՏԵՍԱՆՅՈՒԹ
23.11.2024 | 00:12
Կարելի է գնալ նման գործարքի,եթե կնքվի պայմանագիր. Փաշինյանը՝ Ադրբեջանի դեմ հայցերից հրաժարվելու մասին. ՏԵՍԱՆՅՈՒԹ
Բոլորը

Շիրակի մարզի մի քանի համայնքների՝ Ազատան, Բենիամին, Գետք գյուղերի բնակիչները քիչ առաջ կրկին փակել են Երևան-Գյումրի մայրուղու Ազատան-Բենիամին հատվածը՝ պահանջելով կամ լուծել ոռոգման ջրի հարցը, կամ փոխհատուցում հատկացնել։

Նրանք նույն պահանջով բողոքի ակցիա էին անցկացրել նաև նախորդ շաբաթ։

«Անցած շաբաթ էլ ոտքի էինք ելել, խոստումները չկատարեցին՝ ջուր չկա, այսօր Ազատան վայրկյանում ընդամենը 200 լիտր ջուր է մտնում, այն դեպքում երբ 1,2-1,5 խորանարդ մետրն է բավարար այս պիկ սեզոնին, որպեսզի բաշխեն ժողովրդին, ծայրամասերում էլ ջուր հասնի»,- ասաց բողոքավորներից մեկը։

Նրանք չեն պատկերացնում, թե ինչ ձևով է լուծվելու այս հարցը, երբ կարտոֆիլի ցանքատարածությունների մեծ մասն արդեն չորացել է։

«Հիմա Մանթաշի ջրամբարից ջուր են բացել, որպեսզի Բենիամինն ու Ազատանի ծայրամասը ջրով ապահովեն, մանթաշցիներն են ոտքի ելել, իրենց մոտ էլ նորմալ ջուր չկա։ Չես մեղադրի մարդկանց, Մանթաշի ջրամբարը նաև խմելու նպատակով է ծառայում, մարդիկ էլ մտավախություն ունեն, որ եթե ոռոգման նպատակով մեզ հատկացվի, խմելու ջուրն էլ կպակասի, եթե խմելու ջուր էլ չունեցան, ի՞նչ պիտի լինի»,- ասում են բողոքավորները։

Ցուցարար գյուղացիների փոխանցմամբ, Կառնուտի ջրամբարից ներքև գտնվող գյուղերի վարչական ղեկավարները պատրաստվում էին վաղը Երևանում հանդիպել ՀՀ ջրային տնտեսության պետական կոմիտեի նախագահի հետ, սակայն մարզպետարանից նրանց փոխանցել են, որ Ջրային տնտեսության պետական կոմիտեի նախագահն ինքը վաղը կգա Շիրակի մարզ ու կփորձի խնդիրը լուծել։

Արմիկ Մովսիսյան