16.12.2025 | 14:07
Քննարկում չկա. Ռուբինյանը` նոր երկաթգիծը ՌԴ-ի կողմից շահագործելու մասին․ ՏԵՍԱՆՅՈՒԹ
Ադրբեջանն ականապատ դաշտերի քարտեզների դիմաց Հայաստանին է վերադարձնում ևս 15 հայ գերիների
Հասարակություն
03.07.2021 | 22:16
Ադրբեջանը Հայաստանին է վերադարձնում ևս 15 հայ գերիների, իր հերթին Երևանը Բաքվին է փոխանցել Ֆիզուլիի և Զանգելանի շրջանների ականապատ դաշտերի քարտեզները։ Այս մասին հաղորդում է ռուսական ՏԱՍՍ լրատվամիջոցը՝ հղում անելով Ադրբեջանի արտգործնախարարությանը։
Հաղորդվում է շուրջ 92 հազար հակատանկային և հակահետևակային ականների քարտեզներ փոխանցելու մասին։
Ադրբեջանական կողմը հաղորդում է, որ հայկական կողմին փոխանցված գերիները դատարանի որոշմամբ ազատազրկվել են և նրանց պատժի կրման ժամկետը լրացել է։
Գերիների հերթական խմբի վերադարձի տեղեկությունը Factor.am-ին հայտնի էր դարձել ավելի վաղ, սակայն ողջ օրվա ընթացքում հայկական պետական կառույցները կա՛մ չպատասխանեցին մեր հեռախոսազանգերին, կա՛մ խուսափելով հաստատել/հերքել՝ հորդորել էին դիմել այլ կառույցների։
