Ինչո՞վ են պայմանավորված անոմալ շոգերը․ պարզաբանում է Գագիկ Սուրենյանը. ՏԵՍԱՆՅՈՒԹ

«Հունիսի 23-25-ը Արարատյան դաշտում և Երևանում ունեցանք մինչև 41.2 աստիճան տաքություն, որը մոտ 2 աստիճանով գերազանցեց 1998 թվականին դիտված պատմական ռեկորդը՝ 39.4 աստիճանը»,- ասուլիսի ժամանակ հայտնեց Շրջակա միջավայրի նախարարության «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենի տեղակալ Գագիկ Սուրենյանը:

Սովորաբար ամառային սեզոնին Հայաստանի եղանակակլիմայական պայմանները ձևավորում են արևադարձային լայնություններից, հարավից, մասնավորապես՝ Իրաքից և Իրանից ներթափանցող տաք հոսանքները, որոնց բուռն ներհոսքն, ըստ օրինաչափության, սկսվում է հուլիսից, բայց այս տարի դրանք սկսել են Հայաստան ներթափանցել հունիսի առաջին տանսօրյակից, իսկ հունիսի 15-ից հետո այդ պրոցեսն ավելի է սրվել:

Ունեցանք այնպիսի իրավիճակ, որ հունիսի 15-ից 29-ը ընկած ժամանակահատվածում՝ գրեթե բոլոր օրերին, հանրապետության մի շարք շրջաններում, Արարատյան Դաշտում և Երևանում առավելագույն ջերմաստիճանները գերազանցեցին երբևիցե դիտված պատմական առավելագույն արժեքները»,- նշեց սուրենյանը՝ հավելելով, որ այս տարվա հունիսը օդերևութաբանության պատմության մեջ դարձավ և՛ միջին ջերմաստիճանով, և՛ շոգերի տևողությամբ, և՛ առավելագույն ցուցանիշներով  ամենատաքը:

Գագիկ Սուրենյանը նաև նշեց,  որ այս երևույթը գիտնականներն կապում են Խաղաղ օվկիանոսի Բրազիլիայի և Արգենտինայի հատվածներում Էլմինիո և Լամինիո ծովային հոսանքների հետ, Լամինիո սառը հոսանքն է, որի թուլացումը բերում է օվկիանոսի ջրի մակարդակի բարձրացման, որն ամնիջականորեն ազդում է Երկրագնդի տարբեր հատվածների եղանակակլիմայական պայմանների ձևավորման վրա:

ՊՈԱԿ-ի տնօրենի տեղակալիխոսքով՝ Գեղարքունիքի մարզի Մասրիկի հատվածում, Արարատյան դաշտի Արտաշատ-Ուրցաձոր հատվածում և Երևանի առանձին հատվածներում ամբողջ հունիս ամսվա ընթացքում տեղումներ չեն գրանցվել, իսկ Լոռի, Շիրակ հատվածում տեղացել է տեղումների ամսական նորմի 30-40%-ը:

Մանրամասները՝ տեսանյութում: