08.10.2026 | 11:24
Վահան Բիչախչյան. «Շատ դժվար ժամանակաշրջան էր ինձ համար»
Բաքվում ընթանում է Արցախյան պատերազմին մասնակցած ՌԴ քաղաքացու շինծու քրգործով դատական նիստը․ ԼՈՒՍԱՆԿԱՐՆԵՐ
Հասարակություն
30.06.2021 | 15:15
Բաքվում ընթանում է ՌԴ քաղաքացի Էդուարդ Դուբակովի նկատմամբ հարուցված շինծու քրեական գործով դատական հերթական նիստը։ Ադրբեջանը Դուբակովին մեղադրում է Արցախյան պատերազմում հայկական կողմից մասնակցելու մեջ՝ նրան համարելով «վարձկան»։
Տեղական լրատվամիջոցների հաղորդմամբ՝ Բաքվի ծանր հանցագործությունների դատարանը, դատավոր Սամիրա Ալիևայի նախագահությամբ, հայտարարել է դատավարության մեկնարկի մասին։ Սպասվում է, որ հնչեցվելու է մեղադրական եզրակացությունը, բացի այդ՝ Դուբակովը ցուցմունք է տալու։
Նշենք, որ Բաքուն ՌԴ քաղաքացի Էդուարդ Դուբակովի նկատմամբ քրեական գործ է հարուցել 214․-3․1 (ահաբեկչություն, ահաբեկչության ֆինանսավորում), 218․2 (մասնակցություն հանցավոր կազմակերպությանը, խմբավորմանը), 318․2 (պետական սահմանի անօրինական հատում) հոդվածներով։
Դուբակովի քրգործով նախորդ դատական նիստը տեղի էր ունեցել հունիսի 23-ին։
Հավելենք, որ այսօր Բաքվում ընթանում է նաև հայ ռազմագերիներ Լյուդվիգ Մկրտչյանի ու Ալյոշա Խոսրովյանի նկատամամբ հարուցված շինծու քրգործով դատական նիստը։
Էմմա Չոբանյան
