14.12.2025 | 10:10
Ահազանգեր են ստացվել տապալված ծառերի, սյուների, ինչպես նաև պոկված կառուցատարրերի վերաբերյալ․ ՆԳՆ
Ժամանակակից արվեստի միջազգային ցուցահանդես. Հայաստան 2018
Մշակույթ
28.02.2018 | 19:09
Ս. թ. մարտի 1-ին, ժամը 11:00-ին, «Գրանդ հոթել Երևանի» Վիվալդի սրահում կկայանա մամուլի ասուլիս՝ նվիրված «Ժամանակակից արվեստի միջազգային ցուցահանդես. Հայաստան 2018-ի» վեբ կայքի՝ www.icaearmenia.org պաշտոնական բացմանը: Ասուլիսին կմասնակցեն «Շաուլա ինթերնեյշնլ» ՍՊԸ-ի համահիմնադիր Ալբերտո Կալիոստրոն և ցուցահանդեսի հայաստանյան համադրող Մարինա Հակոբյանը:
Ասուլիսի ընթացքում կներկայացվեն ցուցահանդեսի մասնակցության պայմանները, հայտերի ընդունման ժամկետները և այլ անհրաժեշտ տեղեկություններ:
Ցուցանմուշների ընտրությունը կիրականացնի համապատասխան գեղարվեստական խորհուրդը, որի կազմը կհայտարարվի հայտերի ընդունման ավարտին:
Լայնածավալ ծրագրի հիմնական նպատակն է ներկայացնել Հայաստանն աշխարհի տարբեր երկրներում, հետաքրքրություն առաջացնել վերջինիս մշակութային ու պատմական ժառանգության նկատմամբ՝ խթանելով զբոսաշրջությունը, ինչպես նաև մեկ ամսով այն դարձնել ժամանակակից արվեստի համաշխարհային կենտրոն: Ցուցադրությունը, որում կընդգրկվեն տարբեր սերունդների ինչպես հայտնի, այնպես էլ սկսնակ արվեստագետներ, հնարավորություն կտա հանրությանը բացահայտել վերջին շրջանում /1991-2018 թթ./ ժամանակակից արվեստի զարգացման ուղիները՝ ներկայացնելով տարբեր սերունդների ինչպես կայացած և հայտնի, այնպես էլ սկսնակ արվեստագետների ստեղծագործություններ:
Հայտերն ընդունվում են 2018 թ. մարտի 1-ից /ժամը՝ 10:00-ից/ մինչև ապրիլի 30-ը /ժամը՝ 18:00-ն/:
Ցուցահանդեսը իրականացվում է Իտալիայի ժամանակակից արվեստի հիմնադրամի նախաձեռնությամբ, ՀՀ մշակույթի նախարարության, Իտալիայի մշակութային ժառանգության, մշակութային գործունեության և տուրիզմի նախարարության, ինչպես նաև ՀՀ արտաքին գործերի նախարարության աջակցությամբ:
Նախագիծն իրականացվում է «Շաուլա ինթերնեյշնլ» ՍՊԸ-ի հետ համատեղ, որի գրասենյակը, այսուհետ, պատասխանատու վերոնշյալ ցուցահանդեսի համար, գտնվում է «Էլիտ Պլազա» բիզնես կենտրոնի 4-րդ հարկում: Գրասենյակը կբացվի 2018 թ. մարտի 1-ից:
