07.10.2026 | 15:44
ԱՄՆ-ում մահապատժի ընթացքում ողջ մնացած կինը գիտակցության է եկել
Արտագաղթի միտում կա. Վահան Քերոբյան. ՏԵՍԱՆՅՈՒԹ
Հասարակություն
24.06.2021 | 13:09
Ես համաձայն եմ, որ արտագաղթ կա, որովհետև, գիտեք, մարդիկ տարբեր են.նրանց մի մասը հիասթափված է 44-օրյա պատերազմի արդյունքից, միգուցե նաև կառավարության աշխատանքից, չեմ ժխտում: Այս մասին, այսօր՝ հունիսի 24-ին, կառավարության նիստից հետո լրագրողների հետ ճեպազրույցում նշեց Էկոնոմիկայի նախարար Վահան Քերոբյանը:
«Այդտեղից պետք է հանենք սեզոնային մեկնողներին, որոնք վերադառնալու են սեզոնի վերջում: Արտագաղթը պետք է տարեկան կտրվածքով հաշվել, որ ճիշտ պատկեր ունենանք: Ես չեմ ժխտում, որ կա այդ միտումը»,- նշեց Քերոբյանը:
Ինչ վերաբերում է պնդմանը, թե ՔՊ-ի վերարտադրությունից հետո շատերն են ուզում լքել հայրենիքը, Էկոնոմիկայի նխարարն արձագանքեց. «Մեր ամենամեծ ձեռքերումը ազատ, արդար, ժողովրդավարական ընտրությունների անցկացումն էր, ոչ թե այն, թե ով հաղթեց, ով պարտվեց: Մենք ցեմենտեցինք, բետոնեցինք մեր ժողովրդավարական ճանապարհը: Ես շատ եմ շփվում միջազգային կառույցների հետ, Հայաստանի ամենամրցակցային առավելությունը տարածաշրջանում ազատ տնտեսությունն է:
Այո, կար միտում մինչև ընտրությունները, որ արտագաղթում են, մեր խնդիրն է շուտ փարատել այդ անհանգստությունները, անվտանգային ու ներդրումային միջավայրը վերականգնենք, որ մարդիկ վերադառնան ու արարեն հայրենիքում»:
Մանրամասները՝ տեսանյութում:
