18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
ԵՎՐՈ-2020. Իսպանիան ջախջախեց Սլովակիային ու դուրս եկավ փլեյ-օֆֆ
23.06.2021 | 22:25
ԵՎՐՈ-2020-ի շրջանակում խմբային պայքարն ավարտվեց E Խմբում: Այս մասին գրում է armsport.am-ը։
սպանիայի հավաքականն այս առաջնության ժամանակ առաջին հաղթանակը տոնեց՝ 5-0 հաշվով պարտության մատնելով Սլովակիային: Առաջին խաղակեսի սկզբում Ալվարո Մորատան չկարողացավ դիպուկ իրացնել 11 մետրանոց հարվածը: Ընդ որում, նախորդ խաղում էլ Ժերար Մորենոն էր վրիպել նշակետից: 30-րդ րոպեին անհասկանալի ինքնագոլի հեղինակ դարձավ սլովակների դարպասապահ Մարտին Դուբրավկան՝ ցանկանալով հեռացնել գնդակը: Առաջին խաղակեսի հիմնական ժամանկին ավելացված 3-րդ րոպեին Էմերիկ Լապորտը ևս մեկ գնդակ ուղարկեց մրցակցի դարպասը: 56-րդ րոպեին սլովակների դարպասը երրորդ գնդակն ուղարկեց Պաբլո Սարաբիան: 67-րդ րոպեին «կարմիր ֆուրիայի» 4-րդ գոլը խփեց գոլի դրվագից վայրկյաններ առաջ փոխարինման մտած Ֆերան Տոռեսը: Ընդ որում, Տոռեսը փոխարինել էր Մորատային: 5 րոպե անց սեփական դարպասն այս անգամ գրավեց Յուրայ Կուցկան՝ 5-0:
Այս հաղթանակից հետո Իսպանիան միավորների քանակը հասցրեց 5-ի ու, երկրորդ տեղով, Շվեդիայի հետ դուրս եկավ փլեյ-օֆֆ:
Իր հերթին, Շվեդիան 3-2 հաշվով պարտության մատնեց Լեհաստանին: Շվեդները խմբային փուլն ավարտեցին 7 միավորով: Սլովակիան 3 միավորով 3-րդն է, իսկ Լեհաստանը մրցաշարն ավարտեց մեկ միավորով՝ վերջին հորիզոնականում:
