08.10.2026 | 17:52
Եվրախորհրդարանը կոչ է անում պատժամիջոցներ սահմանել Իրանում, Վրաստանում և Ադրբեջանում բռնաճնշումների պատասխանատուների նկատմամբ
Հայտնի է, թե որ դատավորին է մակագրվել «Իզմիրլյան» ԲԿ-ի տնօրենի ձերբակալման դեմ բողոքը
Հասարակություն
19.06.2021 | 10:32
Փաստաբան Արամ Վարդևանյանը ֆեյսբուքյան գրառմամբ տեղեկացրել է, որ «Իզմիրլյան» ԲԿ-ի տնօրեն Արմեն Չարչյանի ձերբակալման դեմ իրենց բողոքը մակագրվել է Ավան նստավայրի դատավոր Մանվել Շահվերդյանին:
«Լրացուցիչ կտեղեկացնենք նիստի ժամի մասին»,- գրել է փաստաբանը:
Հիշեցնենք, որ համացանցում տարածվել է ձայնագրություն, որում «Իզմիրլյան» ԲԿ-ի տնօրեն Արմեն Չարչյանը աշխատակիցների հետ հանդիպմանը պարտադրում է մասնակցել կիրակի օրը կայանալիք արտահերթ խորհրդարանական ընտրություններին։ Նա սպառնում է աշխատակիցներին՝ ասելով, թե ինքը «Հայաստան» դաշինքի պատգամավորության թեկնածու է, և եթե որևէ մեկը չկատարի իր «խնդրանքն ու պահանջը» և չմասնակցի ընտրություններին, ապա կարժանանա «շատ կոշտ վերաբերմունքի և համարժեք պատասխան կստանա»։
«Ընտրություններից հետո վերցնելու եմ ցուցակները և տեսնելու եմ՝ ով է գնացել ընտրության և ով չի գնացել»,- հրապարակված ձայնագրությունում ասում է Արմեն Չարչյանը։
