27.04.2024 | 18:33
Սյունիքի մարզում մեքենաներ են բախվել. կա տուժած
4,6 % տնտեսական աճ՝ 1,4 %-ի փոխարեն․ ԿԲ-ն վերանայել է կանխատեսումը
Տնտեսություն
15.06.2021 | 15:51
2021-ի ընթացիկ զարգացումները նախանշում են տնտեսական աճի սպասվածից ավելի արագ վերականգնման միտումներ. այսպիսով` ԿԲ-ն վերանայել է տնտեսական աճի կանխատեսումը: Այս մասին հունիսի 15-ին հրավիրված ասուլիսում նշեց ԿԲ նախագահ Մարտին Գալստյանը:
«Տնտեսական աճի կանխատեսումը վերանայվել է: 2021-ի համար կանխատեսում ենք 4.6 տոկոս տնտեսական աճ՝ հիմնականում պայմանավորված ծառայությունների աճով, այն 1.2-ից վերանայվել է 6.1 տոկոս, արդյունաբերության աճը 0.7 տոկոսից վերանայվել է 4.5 տոկոս»,-ասաց Գալստյանը:
Նրա խոսքով՝ արդյունաբերության աճը հիմնականում պայմանավորված է հանքահումքային ապրանքների գների բարձր աճով, նաև արտահանման և արդյունահանման ծավալների ավելի մեծ լինելով: Ծառայությունների հետ կապված՝ զբոսաշրջության ակտիվացում է նկատվում: «Արտաքին հատվածից էլ որոշակի ազդակներ ենք ստանում, որ տարին ավելի դրական է, քան նախկինում կանխատեսում էինք: Մասնավոր սպառման դրական փոփոխություն ենք ակնկալում տարվա մեջ, մինչդեռ մասնավոր ներդրումները շարունակում են թույլ մնալ»,-ասաց ԿԲ նախագահը:
Մանրամասները՝ տեսանյութում:
