07.10.2026 | 16:58
Ալիևը զանգահարել է Պուտինին
Քոչարյանի պաշտպանների վարքագիծը իրավաչափ չէ. սա անհարգալից վերաբերմունք է. դատախազ. ՏԵՍԱՆՅՈՒԹ
Հասարակություն
15.06.2021 | 13:25
Երևանի ընդհանուր իրավասության դատարանում այսօր հերթական անգամ հետաձգվեց ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի՝ կաշառքի գործով դատական նիստը։
Նիստին ներկայացել էր միայն Արմեն Գևորգյանը, Ռոբերտ Քոչարյանն ու նրա պաշտպան Արամ Վարդևանյանը դիմում էին ներկայացրել, որ այսօր Արարատի մարզի մի շարք համայնքներում քարոզարշավի են և չեն կարողանա գալ դատարան։ Քոչարյանի պաշտպաններից Հայկ Ալումյանն էլ տեղեկացրել էր, որ առողջական խնդիրներ ունի, իսկ Արամ Օրբելյանը՝ մեկ այլ գործով նիստի է։
Մեղադրողներն արձագանքեցին, որ այս բացակայություններն անհարգալից վերաբերմունք են դատարանի նկատմամբ։
«Քոչարյանի պաշտպանների վարքագիծը իրավաչափ չէ. սա անհարգալից վերաբերմունք է»,-ընդգծեց դատախազ Պետրոս Պետրոսյանը՝ հավելելով, որ դատարանը պետք է համապատասխան միջոցներ գործադրի նմանօրինակ վարքագիծը կանխելու և դատական նիստերը անհարկի չձգձգելու համար:
Մանրամասները՝ տեսանյութում:
