08.10.2026 | 13:16
Թրամփը հայտարարել է, որ Իրանի հետ պատերազմը կավարտվի «շատ շուտով»
ՄԻԵԴ-ը Ադրբեջանին 6 զինծառայողի հետ կապված հարցերին պատասխանելու վերջնաժամկետ է տվել՝ հունիսի 4-ը. ՏԵՍԱՆՅՈՒԹ
Հասարակություն
02.06.2021 | 16:42
Ադրբեջանը կեղծ օրակարագեր է առաջ քաշում: Նրանք պատերազմում ներգրավելով վարձկանների, փորձում են գերեվարված հայերին նույնպես ներկայացնել որպես վարձկաններ: «Հունիսի 2-ին Ադրբեջանում սկսվում է հայ երկու ռազմագերիների դատավարությունը» թեմայով առցանց քննարկման ժամանակ նշեց ՀՀ վարչապետի աշխատակազմի Մարդու իրավունքների եվրոպական դատարանում ՀՀ ներկայացուցչի գրասենյակի ՄԻԵԴ-ում ՀՀ շահերի պաշտպանության վարչության պետի պաշտոնակատար Դիանա Քարազյանը:
«Նոմբերի 9-ի եռակողմ հայտարարությանը հղում է կատարվում նաև ՄԻԵԴ-ի կողմից, երբ որ ՄԻԵԴ-ը որոշում է կայացնում գերեվարված անձի կամ ենթադրյալ գերեվարված անձի վերաբերյալ և առանձին կետով նշվում է, թե այդ հայտարարության համատեքստում Ադրբեջանն ինչ գործողություններ է իրականացնում այդ անձանց վերադարձնելու ուղղությամբ, որին, ցավոք, Ադրբեջանը որևէ կերպ չի արձագանքում և պատշաճ կերպով չի արձագանքում նաև ռազմագերիների պահման պայմանների վերաբերյալ հարցին»,- նշեց Քարազյանը:
«Մարտի 10-ի դրությամբ՝ ընդհանուր առմամբ 188 որոշում կա Ադրբեջանի նկատմամբ միջանկյալ միջոց կիրառելու մասին, որոնք դեռ ուժի մեջ են… Ադրբեջանի նկատմամբ միջանկյալ միջոց կիրառելու պահանջով ՄԻԵԴ ենք դիմել նաև վերջին շրջանում՝ կապված վերջին օրերին գերեվարված 6 զինծառայողի իրավունքների պաշտպանության հետ:
ՄԻԵԴ-ը Ադրբեջանի կառավարությանը 6 զինծառայողի հետ կապված հարցերին պատասխանելու վերջնաժամկետ է տվել՝ մինչև հունիսի 4-ը, որից հետո կկայացնի որոշում»,- տեղեկացրեց Քարազյանը:
Մանրամասները՝ տեսանյութում:
