08.10.2026 | 20:14
Ոստիկանության տարածքային բաժիններ է ներկայացվել նախկինում դատապարտված և հանցավոր հակումներ ունեցող 77 անձ
Կարագը կթանկանա, նավթի ու բենզինի գները առաջիկա տարիներին չեն իջնի․ ՏՄՊՊՀ նախագահ. ՏԵՍԱՆՅՈՒԹ
Տնտեսություն
02.06.2021 | 15:18
Նավթն ու բենզինն առաջիկա 4 տարիներին չեն էժանանա, բայց Հայաստանում ինչ-որ ձևով էժան բենզին է հայտնվել։ Այս մասին այսօր ԱԺ-ում բյուջեի քննարկումների ժամանակ հայտարարեց ՀՀ ՏՄՊՊՀ նախագահ Գեղամ Գևորգյանը:
«Բենզինի շուկայում տեղի են ունեցել բավական լուրջ փոփոխություններ։ Միայն այն հանգամանքը, որ շուկա անընդհատ տնտեսվարողներ են մտնում-դուրս գալիս, դա նշանակում է, որ ոչ մի խոչընդոտ չկա։ Իսկ այս տարվա ներմուծող ֆիրմաների անվանումներն, անկեղծ ասած, նույնիսկ ես չեմ հիշում, այսինքն` այն ավանդական ընկերությունները չեն»,- նշեց Գևորգյանը։
Խոսելով բարձր կենտրոնացում ունեցող ապրանքային այլ շուկաների մասին` Գևորգյանը նշեց, որ շաքարավազի շուկան կայունացել է, բայց գինը չի նվազել։ Իսկ կարագի շուկայում 2 ամիս հետո նոր թանկացում է կանխատեսվում։
«Այսօր արդեն Նոր Զելանդիայում ձեռք բերման գինը 4000-ից դարձել է 6000 դոլար, սակայն միջազգային շուկայի կանխատեսումներով` նոյեմբերին կարագի գները դարձյալ նվազելու են»,- նշեց ՏՄՊՊՀ նախագահը։
Մանրամասները՝ տեսանյութում:
