07.06.2026 | 10:03
Նիկոլ Փաշինյանը քվեարկում է ԱԺ ընտրություններում. ՈՒՂԻՂ
Վերաքննիչ դատարանում Ռոբերտ Քոչարյանի և մյուսների գործով նիստը հետաձգվեց
Հասարակություն
31.05.2021 | 13:35
ՀՀ Վերաքննիչ քրեական դատարանն այսօր ՀՀ երկրորդ նախագահ Ռոբերտ Քոչարյանի, նախկին փոխվարչապետ Արմեն Գևորգյանի, ՀԱՊԿ նախկին գլխավոր քարտուղար Յուրի Խաչատուրովի և պաշտպանության նախկին նախարար Սեյրան Օհանյանի վերաբերյալ Դատախազության բողոքի քննությունը հետաձգեց։
Դատական նիստին չէր ներկայացել Արմեն Գևորգյանի պաշտպան Էրիկ Ալեքսանյանը. նա արձակուրդում է, չէր ներկայացել նաև երկրորդ նախագահ Ռոբերտ Քոչարյանը։
Նշենք, որ նիստը նախագահում էին դատավորներ Նարինե Հովակիմյանը, Սևակ Համբարձումյանը և Կարեն Մարդանյանը։ Հաջորդ դատական նիստը նշանակվեց հունիսի 24-ին՝ 14։00-ին։
Հիշեցնենք, որ Գլխավոր դատախազությունը բողոքարկել է «Մարտի 1-ի» գործով Ռոբերտ Քոչարյանի, Սեյրան Օհանյանի, Յուրի Խաչատուրովի և Արմեն Գևորգյանի նկատմամբ ՀՀ ՔՕ 300.1 հոդվածի 1-ին մասով քրեական հետապնդումը դադարացնելու և քրեական գործի վարույթն այս մասով կարճելու մասին առաջին ատյանի դատարանի որոշումը։
Սահմանադրական դատարանը մարտի 29-ին ՀՀ ՔՕ 300.1 հոդվածը ճանաչել է ՀՀ Սահմանադրության 78-րդ և 79-րդ հոդվածներին հակասող։
Լիլիթ Շաբոյան
