06.08.2026 | 12:40
«Ուժեղ Հայաստանը» ԱԺ-ից ստացած պարգևավճարներն ուղղելու է բարեգործության. ՏԵՍԱՆՅՈՒԹ
Խոչընդոտ չեմ տեսնում մեր բողոքների քննարկման և մեզ համար դրական լուծման շուրջ. դատախազ. ՏԵՍԱՆՅՈՒԹ
Հասարակություն
31.05.2021 | 12:53
Որևէ խոչընդոտ չեմ տեսնում մեր բողոքների քննարկման և մեր համար դրական լուծման համար։ Այս մասին լրագրողների հետ զրույցում ասաց դատախազ Պետրոս Պետրոսյանը։
«Մեր դիմումը վերաբերում է դատախազական լիազորություններն իրականացնելուն։ Մենք նաև համապատասխն իրավական ակտերի նորմերը հակասահմանադրական տեսանկյունից վիճարկելու մասով միջնորդել էինք առաջին ատյանի դատարան։ Այդ նորմերը կիրառության ենթակա են նաև Վերաքննիչ քրեական դատարանի կողմից, քանի Վերաքննիչը ևս պետք է ղեկավարվի այդ նորմերով՝ օրինական ուժի մեջ թողելու կամ բեկանելու առաջին ատյանի դատարանի դատական ակտը»,- նշեց դատախազը։
Անդրադառնալով հարցին, թե կա՞ հնարավորություն մեղադրանքը վերաորակելու, դատախազը պատասխանեց. «Ոչ միայն մեղադրանքը վերաորակվի, այլ նաև այս միջնորդություններն, ըստ էության, քննարկվեն և համապատասխան լուծում ստանան»։
Հիշեցնենք, որ Գլխավոր դատախազությունը բողոքարկել է «Մարտի 1-ի» գործով Ռոբերտ Քոչարյանի, Սեյրան Օհանյանի, Յուրի Խաչատուրովի և Արմեն Գևորգյանի նկատմամբ ՀՀ ՔՕ 300.1 հոդվածի 1-ին մասով քրեական հետապնդումը դադարացնելու և քրեական գործի վարույթն այս մասով կարճելու մասին առաջին ատյանի դատարանի որոշումը։
Վերաքննիչ դատարանում պետք է քննվեր «Մարտի 1-ի» գործը կարճելու վերաբերյալ դատարանի որոշման դեմ դատախազության բողոքը, ինչը, սակայն հետաձգվեց։
Մանրամասները՝ տեսանյութում:
