07.10.2026 | 16:42
«Հրաշք այգի» ռեստորանային համալիրից 2 գորշ արջի տեղափոխվել են ապաստարան
Մարտի 1-ի գործով տուժողը հրաժարվել է Սեդա Սաֆարյանի պաշտպանությունից. ՏԵՍԱՆՅՈՒԹ
Հասարակություն
31.05.2021 | 12:32
Վերաքննիչ քրեական դատարանում՝ դատավոր Նարինե Հովակիմյանի նախագահությամբ, կազմով՝ դատավորներ Սևակ Համբարձումյանի և Կարեն Մարդանյանի հետաձգվեց ՀՀ երկրորդ նախագահ Ռոբերտ Քոչարյանի և մյուսների նկատմամբ ՀՀ քրեական օրենսգրքի 300,1֊րդ հոդվածով դադարեցնելու մասին որոշման դեմ բողոքների քննությունը։
Դատական նիստին չեն ներկայացել գործով ամբաստանյալները, ինչպես նաև՝ պաշտպաններ Էրիկ Ալեքսանյանն ու Միհրան Պողոսյանը և դատախազ Գևորգ Բաղդասարյանը։
Պաշտպան Էրիկ Ալեքսանյանը միջնորդություն է ներկայացրել դատական նիստը հետաձգելու մասին՝ տեղեկացնելով, որ գտնվում է արձակուրդում։
Գործով տուժող Մեսրոպ Թադևոսյանը դիմում է ներկայացրել՝ խնդրելով, որ տուժող կողմի ներկայացուցիչ Սեդա Սաֆարյանի վերաքննիչ բողոքը քննության առարկա չդարձվի։
«Տեղեկացված եմ, պատճառները չի ասում, բայց ես ենթադրում եմ՝ ինչն է պատճառը…»,- նշեց Սաֆարյանը:
Մանրամասները՝ տեսանյութում:
