05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Արա Այվազյանին պաշտոնից ազատելու միջնորդություն Փաշինյանը դեռ նախագահին չի ներկայացրել
Քաղաքականություն
28.05.2021 | 16:47
Նախագահ Արմեն Սարգսյանը դեռևս վարչապետի պաշտոնակատար Նիկոլ Փաշինյանից միջնորդություն չի ստացել՝ ԱԳ նախարարի պաշտոնակատար Արա Այվազյանին պաշտոնից ազատելու հետ կապված:
Տեղեկությունը Factor.am-ին հայտնեցին Հանրապետության նախագահի աշխատակազմից:
Հիշեցնենք՝ երեկ երեկոյան ԱԳՆ խոսնակ Աննա Նաղդալյանը ֆեյսբուքյան գրառմամբ տեղեկացրեց, որ Արա Այվազյանն աշխատանքից ազատվելու դիմում է ներկայացրել: Գերատեսչության խոսնակը, սակայն, պատճառներ չէր նշել:
Ի դեպ՝ Արա Այվազյանի հրաժարականի դիմումի մասին հայտնի դարձավ Անվտանգության խորհրդի երեկվա նիստից հետո, որի ընթացքում Նիկոլ Փաշինյանը հայտարարեց, որ առաջարկում է հայ-ադրբեջանական զորքերը սահմանից հետ քաշել և տեղակայել Ռուսաստանի Դաշնությունը կամ ԵԱՀԿ Մինսկի խմբի համանախագահությունը ներկայացնող դիտորդների:
Նարեկ Կիրակոսյան
