07.02.2026 | 18:20
Վարչապետը ծանոթացել է «Armenian Helicopters» ընկերության գործունեությանն ու զարգացման ռազմավարությանը
Սերգեյ Բագրատյանը` Նիկոլ Փաշինյանի թիմ տեղափոխվելու մասին. ՏԵՍԱՆՅՈՒԹ
Քաղաքականություն
28.05.2021 | 12:38
Պետության կարևոր ատրիբուտները, հիմնասյուները դա ժողովրդի իշխանությունն է և ժողովրդի օրինական իշխանությամբ ընտրված կառավարման համակարգը: Այս մասին այսօր՝ մայիսի 28-ին, Սարդարապատի հուշահամալիրում լրագրողների հետ զրույցում նշեց ԱԺ պատգամավոր Սերգեյ Բագրատյանը:
Անդրադառնալով հարցին, թե ինչով է պայմանավորված, որ հայտնվել իշխող կուսակցության ընտրական ցուցակում, Բագրատյանը պատասխանեց. «Ինձ համար կարևոր է պետականությունը, և այսօր պետականության համար ստեղծված վտանգը բոլոր պետականամետ գործիչներին մղում է համախմբման, այլևս ավելորդ է որևէ քաղաքական ուժի գոյությունը, երբ որ վտանգված է պետականությունը»:
Դիտարկմանը, որ կա կարծիք, որ հենց իշխանությունն է վտանգում պետականությունը, Սերգեյ Բագրատյանն ասաց. «Քանի դեռ այս իշխանությունը համարվում է լեգիտիմ ընտրված իշխանություն, մենք չենք կարող հակառակը պնդել: Եթե ընտրություններում ժողովուրդն այլևս չի վստահի այս իշխանություններին, և դրա մեջ կնկատեն նաև ձեր նշած տարրերը, ապա համապատասխան իրավական գործընթացով պետք է ապացուցել, որ կա նման խնդիր»:
Մանրամասները՝ տեսանյութում:
