06.08.2026 | 15:00
Երկու օրով կփակվի Խանջյան փողոցի մի հատվածը
Աննախադեպ արգելք. լրագրողներին թույլ չեն տալիս լուսաբանել Սարդարապատում տեղի ունեցող իրադարձությունը
28.05.2021 | 10:06
Ոստիկանության, Ազգային անվտանգության ՊՊԾ և Ռազմական ոստիկանության մի քանի տասնյակ մեքենաներ, ծառայողներ ժամը 07։00-ից փակ են պահում Սարդարապատի մուտքը ոչ միայն քաղաքացիների, այլ նաև լրագրողների համար։
Հայտնի դարձավ, որ լրագրողների մուտքն արգելվելու է այնքան ժամանակ, քանի դեռ Սարդարապատում է վարչապետի պաշտոնակատար Նիկոլ Փաշինյանը: Միջոցառումը լուսաբանելու իրավունք է ստացել միայն Հանրային հեռուստաընկերությունը:
Հիշեցնենք, որ նախապես Ոստիկանությունը հաղորդագրություն էր տարածել, որ Առաջին Հանրապետության կազմավորմանը նվիրված արարողակարգային միջոցառումներով պայմանավորված՝ մայիսի 28-ին, ժամը 8:00-ից 11:00-ն ընկած ժամանակահատվածում, տրանսպորտային միջոցների և քաղաքացիների համար մուտքը փակ կլինի Սարդարապատի հերոսամարտի հուշահամալիր:
Այս հաղորդագրության մեջ որևէ խոսք չկար լրագրողների մուտքն արգելելու մասին: Սա աննախադեպ է, երբեք նախկինում նման արգելքներ չեն եղել:
Նարեկ Կիրակոսյան
