06.06.2026 | 18:07
19-ամյա Միրա Անդրեևան` «Ռոլան Գարոսի» հաղթող
Ճիշտ չեմ համարում, որ ՀՀ կառավարությունը չի հրապարակում՝ իր տվյալներով քանի գերի կա Ադրբեջանում. ՄԻՊ. ՏԵՍԱՆՅՈՒԹ
Հասարակություն
27.05.2021 | 10:54
Անհետ կորած անձանց և նրանց ընտանիքների իրավունքների պաշտպանության հարցերը մարդասիրական, մարդու իրավունքների հետ կապված հարցեր են, որոնք ոչ մի կերպ չպետք է քաղաքականացվել, և այդ հարցերը պետք է լուծվեն անմիջապես: Սա միջազգային բացարձակ սկզբունք է: Այս մասին «Անհետ կորած անձանց և նրանց ընտանիքների իրավունքների պաշտպանության հնարավորությունները և խնդիրները» թեմայով քննարկման ժամանակ նշեց ՀՀ ՄԻՊ Արման Թաթոյանը: Նա նաև նշեց, որ Ադրբեջանի իշխանությունները մշտապես խոչընդոտում են այդ աշխատանքների իրականացումը:
Թաթոյանն ընդգծեց, որ բացահայտելով գերիների թիվը` Հայաստանի իշխանությունները կավելացնեն ճնշումն Ադրբեջանի վրա։ «Ես կարծում եմ` իշխանությունները ճիշտ չեն անում, որ չեն հրապարակում գերիների թիվը։ Թիվ նշելով` կարելի է բարձրացնել պատասխանատվությունը մարդկանց կյանքի իրավունքի պահպանման շուրջ, ինչպես նաև ավելացնել ճնշումն Ադրբեջանի վրա։ Մենք պետք է ոչ թե Ադրբեջանի տվյալներով առաջնորդվենք, այլ մեր»,- նշեց Թաթոյանը՝ հավելելով, որ կարելի է նշել գերիների ոչ թե կոնկրետ, այլ գոնե նվազագույն թիվը։
ՄԻՊ-ի խոսքով՝ եթե նույնիսկ 2020 թվականի նոյեմբերի 9-ի հայտարարության մեջ նշված չեն գերիների վերադարձի կոնկրետ ժամկետները, ապա դա հիմք չէ նրանց անժամկետ պահելու համար։ Միջազգային մարդասիրական իրավունքը պահանջում է վերադարձնել նրանց մարտական գործողությունների դադարեցումից հետո։
«Բոլորը բոլորի դիմաց սկզբունքը կարևոր սկզբունք է, սակայն այն չի պահպանվել։ Բացի այդ Արցախյան հակամարտությունը շարունակվում է, իսկ Ադրբեջանը քրեական գործեր է հարուցում մեր քաղաքացիների դեմ` իբր ռազմական գործողություններից հետո իրենց տարածքում հայտնվելու համար։ Մարդասիրական բոլոր իրավունքները խախտված են»,- նշեց ՄԻՊ-ը:
Նա նաև արձանագրեց, որ Մարդու իրավունքների միջազգային կազմակերպությունները ոչ մի կերպ չեն արձագանքել հակամարտության ընթացքում տեղի ունեցած բազմաթիվ ռազմական հանցագործություններին։
Մանրամասները՝ տեսանյութում:
