08.10.2026 | 17:01
Վարդաձորում 2-րդ դասարանցու նկատմամբ բռնության դեպքով Տեսչական մարմնի կողմից նախաձեռնվել է վարչական վարույթ
Սպանության փորձ՝ ազգականի նկատմամբ
Հասարակություն
25.05.2021 | 16:53
2021թ. մայիսի 24-ին՝ ժամը 07.15-ին, «Արտաշատ» բժշկական կենտրոնից ՀՀ ոստիկանության Արտաշատի բաժնում հաղորդում է ստացվել այն մասին, որ մարմնի տարբեր շրջանների կտրած-ծակած բազմակի վերքերով իրենց մոտ է ընդունվել Արտաշատ քաղաքի 67-ամյա բնակչուհին. տեղեկացնում են ՔԿ-ից:
Ձեռնարկված միջոցառումների արդյունքում պարզվել է, որ կինը վերոնշյալ վնասվածքներն ստացել է նույն օրը՝ ժամը 06:30-ին, իր բնակարանում, որտեղ նրա հետ համատեղ բնակվող եղբոր թոռը խոհանոցային դանակով մի քանի անգամ հարվածել է նրա մարմնի տարբեր մասերին:
Դեպքի վայրի զննությամբ հայտնաբերվել են արնանման հետքեր, ինչպես նաև հանցագործության գործիք հանդիսացող խոհանոցային դանակը:
Դեպքի առթիվ ՀՀ ոստիկանության Արտաշատի բաժնում հարուցվել է քրեական գործ՝ սպանության փորձի հատկանիշներով, որի նախաքննությունն իրականացվում է ՀՀ քննչական կոմիտեի Արարատի մարզային քննչական վարչությունում:
Երիտասարդը ձերբակալվել է՝ 67-ամյա կնոջ նկատմամբ սպանության փորձ կատարելու կասկածանքով:
Նախաքննությունը շարունակվում է:
