06.10.2026 | 14:32
Ստամբուլի դպրոցներից մեկում դանակով հարձակման դեպք է տեղի ունեցել․ 8 աշակերտ վիրավորվել է․ ՏԵՍԱՆՅՈՒԹ
ՀՀ պետական պարտքը 1 ամսում աճել է 120,8 միլիոն դոլարով
Տնտեսություն
19.05.2021 | 12:36
ՀՀ պետական պարտքը 1 ամսում աճել է 120,8 միլիոն դոլարով կամ 1,3%-ով։ Այսպես․ եթե այս տարվա մարտին ՀՀ պետական պարտքը կազմել է 8 միլիարդ 652 միլիոն դոլար, ապրիլին այն հասել է 8 միլիարդ 772,8 միլիոն դրամի։ Այս մասին տեղեկանում ենք Ֆինանսների նախարարության հրապարակած տվյալներից։
Իսկ նախորդ տարվա ապրիլին ՀՀ պետական պարտքը կազմել է 7 միլիարդ 403,1 միլիոն դոլար։ 1 տարում ՀՀ պետական պարտքն աճել է շուրջ 1 միլիարդ 370 միլիոն դոլարով կամ 18,4 %-ով։
Հիշեցնենք, որ այս տարվա փետրվար ամսին ՀՀ Ֆինանսների նախարար Ատոմ Ջանջուղազյանը նշել էր, որ այս տարվա ավարտին Հայաստանի պետական պարտքը կկազմի մոտ 8,9 մլրդ դոլար։
Իսկ ՀՀ վարչապետի պաշտոնակատար Նիկոլ Փաշինյանը հորդորում է պետական պարտքից չվախենալ, քանի որ այն երկրի տնտեսության, ապագայի մեջ ներդնելու համար է արվել: Այս մասին Փաշինյանն ասել էր ԱԺ հատուկ նիստի ընթացքում մայիսի 10-ին։
Նա շեշտել էր, որ եթե անհրաժեշտություն լինի, կրթության ոլորտում ֆինանսական, ներքին աղբյուրների խնդիր լինի, ապա 1 մլրդ, անգամ 2 մլրդ պարտք էլ պետք է վերցնել և հանրապետությունում լայնածավալ կառուցել մանկապարտեզներ, նախակրթարաններ, ակադեմիական քաղաք, քանի որ դա ներդրում է ապագայի մեջ:
«Այդ փողի գինը նվազում է, վաղը կապիտալ ես ունենալու, այդ պարտքը սպասարկես: Նկատի ունեմ՝ պարտքից ընդհանրապես եկեք չվախենանք: Ինչի համար ենք այդ վարկը վերցնում, որ մեր գրպանները լցնենք, թե՞ երկրի տնտեսության, ապագայի մեջ ներդնենք, կրթության ոլորտում ներդնենք»,- նշել էր վարչապետի պաշտոնակատարը:
