07.08.2026 | 10:05
«Ռեալն» ու ՊՍԺ-ն թանկարժեք տրանսֆերներ են իրականացրել. ՏԵՍԱՆՅՈՒԹ
«Սասնա ծռեր» խմբի գործը Վերաքննիչում է․ հայտնի են նիստի օրն ու գործը քննող դատավորները
Հասարակություն
10.05.2021 | 18:14
«Սասնա ծռեր» խմբի տասն անդամի գործը Վերքաննիչ դատարանում է։ Ըստ «Դատալեքս» տեղեկատվական համակարգի՝ գործը քննվելու է դատավոր Ալեքսանդր Ազարյանի նախագահությամբ, դատարանի կազմում են նաև Մխիթար Պապոյանը և Սերգեյ Մարաբյանը։
Դատական նիստի օր է նշանակվել մայիսի 20-ին։
Վերաքննիչ դատարանից պաշտպանական կողմը պահանջում է արդարացման ակտ կայացնել, մեղադրող կողմը՝ պատիժները խստացնել և ազատ արձակված Արմեն Բիլյանին մեղավոր ճանաչել ոստիկանի սպանության համար։
Հիշեցնենք, որ Երևան քաղաքի ընդհանուր իրավասության դատարանի դատավոր Մեսրոպ Մակյանը որոշեց սպանված ոստիկան Գագիկ Մկրտչյանի գործով Արմեն Բիլյանին անմեղ ճանաչել ու ազատ արձակեց դատարանի դահլիճից, իսկ խմբի մյուս անդամներին դատապարտեց 8-10 տարվա ազատազրկման։
Ամենախիստ պատիժը սահմանվեց խմբի անդամներից Սմբատ Բարսեղյանի նկատմամբ՝ 25 տարվա ազատազրկում։ Նա մեղադրվում է երկու ոստիկանի սպանության համար։
Լիլիթ Շաբոյան
