07.10.2026 | 23:48
Արթուր Դանիելյանը կալանավորվեց
Տեր-Պետրոսյանի հայտարարությունն ինձ մոտ տարակուսանք առաջացրեց. Լիլիթ Մակունց. ՏԵՍԱՆՅՈՒԹ
Քաղաքականություն
06.05.2021 | 12:37
Ինձ համար՝ որպես նախկինում առաջին նախագահի հետ քաղաքական թիմի մաս հանդիսացող մարդու, շարժման մաս հանդիսացող մարդու, այդ հայտարարությունը տարակուսանք առաջացրեց,- լրագրողների հետ ճեպազրույցում հայտարարեց ԱԺ «Իմ քայլը» խմբակցության ղեկավար Լիլիթ Մակունցը՝ անդրադառնալով ՀՀ առաջին նախագահ Լևոն Տեր-Պետրոսյանի՝ Ռոբերտ Քոչարյանի և Սերժ Սարգսյանի հետ նախընտրական դաշինք կազմելու առաջարկի վերաբերյալ հայտարարությանը:
«Շարժումը, որի մաս եմ կազմել ես ու շատ քաղաքացիներ՝ այդ թվում քաղաքական թիմի անդամ լինելով, և որի տրամաբանական շարունակությունը՝ 2008 թ. տրամաբանական շարունակությունը եղել է 2018-ը՝ այս անգամ ոչ թե Տեր-Պետրոսյանի, այլ Նիկոլ Փաշինյանի առաջնորդությամբ, եղել է միևնույն արժեքաբանական հիմքի վրա»,- ասաց իշխող խմբակցության ղեկավարը` հավելելով, որ շատերն առաջին նախագահից սովոր են լսել միանգամայն այլ բնույթի տեքստեր:
Նա նաև նշեց, որ առաջին նախագահի ելույթից չի եզրահանգել, որ ընդամենը պետք է հեռացնեն Նիկոլ Փաշինյանին և երեք նախագահներից ոչ ոք չհավակնի որևէ պաշտոնի: «Կարծում եմ երկրորդ և երրրոդ նախագահների արձագանքը նույնպես վկայում է, որ նրանք այլ եզրակացություն են արել»,- նշեց Մակունցը:
Մանրամասները՝ տեսանյութում:
