Հասարակություն
05.05.2021 | 21:17Երևանի պետական համալսարանը նոր լսարան ունի։ Նորայրը, Վաչագանը, Սլավան և Աշոտը՝ լրագրող ազատամարտիկները, որոնք դարձան ժուռնալիստիկայի ֆակուլտետի հավերժ ուսանողները։
Ֆակուլտետում զոհված հերոսի անունը կրող լսարան արդեն կար։ Արցախի առաջին պատերազմին է հերոսացել Նորայր Մարությանը, 40-ամյակի առիթով էլ բացվել է անվանական լսարանը։ Արցախյան երկրորդ պատերազմին Նորայրին միացան ևս 3 հերոսներ։ Հիմա 4-ն էլ կողք կողքի են։
Վաչագանը մագիստրատուրայում էր սովորում, Սլավան էլ նոր էր ընդունվել մագիստրատուրա, երբ զորակոչվեց բանակ։ Իսկ Աշոտը՝ Էջմիածնի Այգեշատ գյուղից, ընդունվեց համալսարան, բայց ոչ մի օր չհասցրեց սովորել։
Արցունքներ կան, նաև՝ ծափեր։ Պահի լավագույն բնորոշումը Վաչագան Մանուկյանի հայրը՝ բանաստեղծ Խաչիկ Մանուկյանը հենց որդու խոսքերով է տալիս․ «Կարոտի թախիծը ողբերգության չվերածենք»։
Լուսանկարներից ժպտացող տղաներն իրենց կենսագրությամբ ու մտքերով հաստատում են՝ հերոս չեն դառնում, հերոս ծնվում են։
Մանրամասները՝ տեսանյութում։
Իրինա Մկրտչյան
