09.10.2026 | 10:15
Մարտի 1-ի գործով ոստիկանության զորքերի նախկին հրամանատար Գրիգոր Գրիգորյանի գործն ուղարկվել է դատարան
Էրեբունու ոստիկանները երիտասարդի մոտ «Մակարով» են հայտնաբերել. նախնական տվյալներով, այն բերվել է Արցախից
Հասարակություն
03.05.2021 | 21:09
«Զինանոց-2021» համալիր կանխարգելիչ միջոցառման շրջանակներում ոստիկանության Էրեբունու բաժնի քրեական հետախուզության բաժանմունքի ծառայողների ձեռնարկած օպերատիվ միջոցառումների շնորհիվ տեղեկություններ են ստացվել, որ Երևանում բնակվող 23-ամյա մի երիտասարդ ապօրինի հրազեն ունի։
Ինչպես տեղեկացնում են ոստիկանության հասարակայնության հետ կապերի և լրատվության վարչությունից, տեղեկություններն իրացվել են մայիսի 1-ի երեկոյան։ «Կասկածվողը մայրաքաղաքի Դանիել Վարուժանի փողոցում հայտնաբերվեց ու բերման ենթարկվեց ոստիկանության Էրեբունու բաժին։ Անձնական խուզարկությամբ հայտնաբերվեցին գործարանային համարով «Մակարով» ատրճանակ և 9 մմ տրամաչափի փամփուշտներ»,-ասվում է հաղորդագրության մեջ։ Աղբյուրի նախնական տվյալներով՝ ատրճանակը բերվել էր անցած տարի՝ Արցախից։
ՀՀ ոստիկանությունից հայտնում են, որ նշանակվել է դատաձգաբանական փորձաքննություն, և հանգամանքները պարզվում են։
Ծանուցում․ Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
